Kalaallit Nunaanni pinerluttarneq pillugu kisitsisitigut paasissutissiaq 1979-mili saqqummiunneqartalerpoq, siullermik Qallunaat Nunaanni Naatsorsueqqissaartarfiup saqqummersittarlugu 1991-miilli Kalaallit Nunaanni Naatsorsueqqissaartarfiup saqqummersittalerpaa. Pinerluttarneq pillugu kisitsisitigut paasissutissanik saqqummiuttakkat 1991-miilli pinerluuteqarnikkut suliassat aalajangiiffigineqarneri tamakkivillugit taamatullu pinerlunniartaleqqinneq pillugu misissueqqissaarnerit inerneri ukiut 1996-si, 1998-si 2000-lu aallaavigalugit. Upernaakkut 2001 pinerluttarneq pillugu tunngavittut kisitsisitigut paasissutissiat periaasiusimasullu naatsorsoqqissaarneqarput.
Naatsorsueqqissaarnerup tamatuma takutippaa, aalajangersakkat annikitsutigut allannguuteqartarsinnaasut. Kisitsisitigut pinerluuteqarnikkut suliat aalajangiiffigineqarnerisa paasissutissiornerat aalajangiinerit pillugit immersugassiat, malittumik politeeqarfinni immersorneqartartut Politimestereqarfimmullu ingerlateqqinneqartartut, tunngavigalugit suliaapput. Nalunaarusiat tamarmik aalajangiinerup suuneranik, pinerluffiusup ulluanik aalajangiiffiusullu ulluanik, suna pinerluutaasimanersoq taamatullu kinguneranik pineqaatissiinertaanillu.
Kisitsisinik akisusussaasoq: Charlotte R. Lyberth