Nunanik allanik niueqateqarneq

Kalaallit Nunaata nunanik allanik niueqateqarnera Nunanut allanut niuernermi allaaserineqarpoq. Nunanut allanut niuernermi suliarineqartut nunani tamalaani malittarisassat tunngavigalugit suliarineqartarput. Ukiut kingullit qulit ingerlaneranni Kalaallit Nunaannut eqqussuineq annertusiartorsimavoq. 2002-miit 2011-mut Kalaallit Nunaannut eqqussukkat nalingat 57,4 procentimik qaffassimavoq, 2002-mi eqqussukkat nalingat 3.291 mio. kr.-iusimagami 2011-milu 5.182 mio. kr.-iusimalluni. Piffissami tassani nunanut allanut niuerneq eqqussuinermut sanilliullugu annertuseriarnera annikinneruvoq. 2002-miit 2011-mut nunanut allanut niuerneq 6,3 procentimik qaffariarsimavoq, 2002-mi nunanut allanut niuernerup 2.390 mio. kr. naligisimavaa 2011-milu nunanut allanut niuernerup 2.541 mio. kr. naligisimallugu.

Nutaarsiassat 

2018-imi 3. kvartalimi nunanut allanut niuerneq

14. december 2018 2018-imi 3. kvartalimi nunanut allanut niuerneq Ukiup kvartaaliini siullerni pingasuni avammut tunisat 13,1 pct.-imik annertuseriarput. Avammut tunisat 2018-imi kvartaalini siullerni pingasuni 2.918 mio. kr.-inut qaffapput. Ukiup siuliani taamaasineranut sanilliullugu qaffariaat 338 mio. kr.-iuvoq 13,1 pct.-iulluni. Avammut tunisanit qaffa-riaataanerpaat tassaapput raajat aamma qalerallit, 142 mio. kr. aamma 202 mio. kr.-nik qaffariartut. Nioqqutissanik eqqussuinermut aningaasartuutit 2.983 mio. kr.-iusimapput. Tamanna siorna taamaasineranut sanilliullugu 90 mio. kr.-inik annertuneruvoq, pct.-inngorlugu 3,1 -iulluni. Læs artikel: her

2018-imi ukiup affaani siullermi nunanut allanut niuerneq

12. oktober 2018 Nunanut allanut tunisat nalingi 25,5 pct.-imik annertuseriartut 2018-imi ukiup affaani siullermi nunanut allanut tunisat nalingi 1.607 mio. koruuninut qaffapput. Ukiup siuliani piffissamut tassunga sanilliullugit 327 mio. koruuninik annertuseriarput, pct.-inngorlugu 25,5 pct.-iulluni. Qaffariarnermut pissutaanerpaapput kinguppaat avammut tunineqartut nalingisa 110 mio. koruuninik taavalu qalerallit 150 mio. koruuninik qaffariarsimanerat. Læs artikel: her

2018-imi 1. kvartalimi nunanut allanut niuerneq

15. juni 2018 2018-imi 1. kvartalimi nunanut allanut niuerneq8 Avammut tunisat nalingat kvartalimi siullermi 2018-imi 691 mio. kr.-inut qaffappoq 565 mio. kr.-imiit 2017-imi. Qaffariaat 126 mio. kr.-iuvoq 22,3 pct.-iulluni. Avammut tunisanit qaffariaat annerpaaq tassaavoq Maskiinat assartuutillu, 119 mio. kr.-inik qaffariarsimasoq, avammullu tunisat qaleralinnit pipput 83 mio. kr.-iusut. Læs artikel: her

Kisitsisaataasivimmi tabelit