Ilisimatusarneq

Kalaallit Nunaanni ilinniarsimasut ukiut kingulliit qulit ingerlaneranni amerlatsikkiartorput. Meeqqat atuarfiannit qaffasinnerusumik ilinniagaqarsimasut maanna innuttaasut 37 pct.-erilersimavaat. Ukiut matumasiorna innuttaasut 30 pct.-ii meeqqat atuarfianniit qaffasinnerusumik ilinniarsimasuusimagaluarput. Angutinut sanilliullugit arnat amerlanerusut ilinniagaqarsimasuupput. Kalaallit Nunaanni ilinniarniarlutik qinnuteqartut aamma amerliartorput. 2011-mi 2.122-it ilinniarlutik aallartissimapput. Ukiut tallimat sioqqullugu sanilliullugu 50 pct.-imik qaffariarneruvoq. Ineriartornerup taassuma malitsigaa ilinniartut aamma soraarummeertut amerlatsinnerat. Kalaallit Nunaanni avataanilu - Danmarkimiunerusoq - ilinniarnertuunngorniarfinnit, inuussutissarsiutinik ilinniarfinnit imaluunniit ilinniarfinnit ingerlaqqiffiusunit soraarummeertut 864-iupput. Ukiut kingulliit qulit ingerlanerini Ilisimatusarfimmi allanilu ilisimatusarfinni phd-eerlutik ilinniarsimasut phd-millu ilinniartut amerlatsikkiartuinnarput.