Inernerit
Kisitsisitigut paasissutissani pineqartunut atatillugu Kisitsisaataasivimmi tabelinik marlunnik saqqummersitsisoqarpoq, tassani periarfissaavoq ersarinnerusunik aallersinnaaneq. Kisitsisaataasivimmi tabelini piffissaq 1994-imit 2016-imut pineqarpoq.
Tabelimi siullermi uuttuutitut kisinneqartut tassaapput inuit: http://bank.stat.gl/BENFAM1. Tabelimi piffissaq, ilaqutariinnermi inissisimaneq, suiaassuseq, ukiut aammalu immikkoortortaqarfik takuneqarsinnaapput. Taamatuttaaq najugaqarfinnut nalinginnaasunut aammalu allaffissornikkut/pisortanit najugaqarfinnut immikkoortiterisoqarsinnaavoq.
Tabelip aappaani uuttuutitut kisinneqartut tassaapput ilaqutariit: http://bank.stat.gl/BENFAM2. Tabelimi piffissaq, ilaqutariit suuneri, meeqqat amerlassusaat aammalu immikkoortortaqarfik takuneqarsinnaapput. Taamatuttaaq najugaqarfinnut nalinginnaasunut aammalu allaffissornikkut/pisortanit najugaqarfinnut immikkoortiterisoqarsinnaavoq.
Ataani takutinneqarpoq Kisitsisaataasivimmi tabelinit marlunnik assersuutit aaneqarsimasut:
2016-imi januaarip aallaqqaataani Kalaallit Nunaanni ilaqutariit 29.190-iusimapput, taakku affangajaat kisimiittuusimapput inersimasut meeraqanngitsut. Ilaqutariit 8.553-it meerartaqarsimapput imaluunniit inuusuttut angajoqqaaminni najugallit, taakkunannga 5.703-t aappariiusimallutik taamatullu ilaqutariit meerartallit sinneruttut 2.850-it ataasiinnarmik inersimasortaqarsimallutik.
Tabel 1: 2016-ip aallartinnerani ilaqutariit suuneri, ilaqutariinni meeqqat amerlassusaannut immikkoortiterlugit
Malugiuk: Tabeli 6. dec. 2016-imi iluarsineqarpoq
Nalunaarut: Allaffissornikkut aalajangikkanik/pisortanit inoqutigiit ilaanngillat.
Najoqqutaq: http://bank.stat.gl/BENFAM2
Aappariit akornanni 54 pct.-ii 25-t inorlugit ukiulinnik angajoqqaaminni najugaqartuuteqarput. Kisimiittut akornanni 16 pct.-ii meerartaqarlutik.
Innuttaasut aappariittut inuusut ukiuisa tulleriaarnerini agguaqatigiissillugu 40-44-nik ukiullit amerlanerpaapput. Innuttaasullu aappariittut inuusut 50 pct.-iinit annertunerusut missiliorlugu 30-nit 69-inut ukiulinni immikkoortunipput.
Titartaaq 1: 2016-imi aappariit inersimasut agguaqatigiissinnerat
Malugiuk: Tigartagaq 6. dec. 2016-imi iluarsineqarpoq
Nalunaarut: Allaffissornikkut aalajangikkanik/pisortanit inoqutigiit ilaanngillat.
Najoqqutaq: http://bank.stat.gl/BENFAM1