Inuussutissarsiutit aaqqissuussaanerat
2017-2021
2021-mi suliffeqarfiit 4.063-iusut 7.251 mio. kr.-nik
akissarsisitsisimapput. Suliffeqarfiit akissarsisitsisimasut 2017-mut
sanilliullugu amerleriarsimapput, qaffariaat 2 pct.-iulluni 2017-imi
suliffeqarfiit 3.994-iusimammata. Akissarsialiussalli 2021-mi 2017-mut
sanilliullugu 10,8 pct.-imik qaffariarsimapput, 2017-mi
akissarsialiussat 6.982 mio. kr.-iusimammata. Titartagaq 1-imi
takuneqarsinnaapput suliffeqarfiit akissarsisitsisartut
akissarsialiussallu 2017-imiit 2021-mut ineriartornerat.
Titartagaq 1. Suliffeqarfiit amerlassusaat
akissarsialiussallu, 2017-2021
Najoqqutaq: bank.stat.gl/ESN1A
Takussutissiaq 1-imi takutinneqarput suliffeqarfiit amerlassusaat ingerlatseriaatsimut agguataarneri aammalu akissarsialiussat ingerlatseriaatsinut pct.-inngorlugit agguataarneri. Ingerlatseriaaseq annerpaaq tassaavoq kisimiilluni ingerlatsiveqarneq, taakkulu 2021-mi nalunaarsorneqarsimasut 3.016-usimapput. Tamanna 2017-mut naleqqiullugu 4,5 pct.-imik qaffariarneruvoq, 2017-imi kisimiilluni ingerlatsiviit nalunaarsorneqarsimasut 2.886-iusimammata.
Kisimiilluni ingerlatsiveqarnermi qaffariarneq annerusumik pisimavoq suliaqarfinni Aalisarneq, aalisakkanik tunisassiorneq niuernerlu, Niuertunik pilersuineq atugassanillu nioqquteqarneq, Assartuineq assartugassalerinerlu, Namminersortunit, ilisimatusarnikkut teknikkikkullu suliaqartunit kiffartuussinerit aammalu Piorsarsimassutsikkut, sunngiffimmi timersornermillu kiffartuussinerit.
Aammattaaq takussutissiaq 1-imi takuneqarsinnaavoq piginneqatigiilluni ingerlatsiviit akissarsialiussanik akiliinerpaasartut, tassami 2021-mi akissarsialiussat tamakkiisut 50,7 pct.-ii piginneqatigiilluni ingerlatsivinniit akiliutigineqarsimapput.
Takussutissiaq 1. Suliffeqarfiit amerlassusaat ingerlatsinerup suunera malillugu aammalu akissarsialiussat ingerlatsinerup suuneranut pct.-inngorlugit agguataarneri, 2017-2021
| Driftform | 2017 | 2018 | 2019 | 2020 | 2021 |
|---|---|---|---|---|---|
| Suliffeqarfiit amerlassusaat | |||||
| Kisimiilluni ingerlatsiviit | 2.886,0 | 2.974,0 | 3.006,0 | 2.760,0 | 3.016,0 |
| Piginneqatigiilluni ingerlatsiviit | 134,0 | 136,0 | 137,0 | 135,0 | 132,0 |
| Ingerlatsiviit nammineq pigisat | 362,0 | 351,0 | 365,0 | 365,0 | 405,0 |
| Ingerlatseriaatsit allat | 205,0 | 152,0 | 156,0 | 138,0 | 168,0 |
| Aningaasaateqarfiit il. il. | 172,0 | 163,0 | 178,0 | 166,0 | 165,0 |
| Nunanit allamiunit pigineqartut | 83,0 | 57,0 | 53,0 | 61,0 | 64,0 |
| Paasissutissartaqanngitsut | 152,0 | 129,0 | 92,0 | 79,0 | 113,0 |
| Katillugit | 3.994,0 | 3.962,0 | 3.987,0 | 3.704,0 | 4.063,0 |
| Akissarsialiussat pct.-inngorlugit | |||||
| Kisimiilluni ingerlatsiviit | 13,6 | 14,2 | 14,8 | 13,9 | 12,7 |
| Piginneqatigiilluni ingerlatsiviit | 49,6 | 53,2 | 52,3 | 52,0 | 50,7 |
| Ingerlatsiviit nammineq pigisat | 16,4 | 16,0 | 16,4 | 15,8 | 17,8 |
| Ingerlatseriaatsit allat | 6,6 | 3,8 | 4,1 | 5,0 | 4,7 |
| Aningaasaateqarfiit il. il. | 9,9 | 9,8 | 10,0 | 9,7 | 9,5 |
| Nunanit allamiunit pigineqartut | 2,4 | 2,3 | 1,8 | 3,0 | 4,0 |
| Paasissutissartaqanngitsut | 1,5 | 0,7 | 0,6 | 0,6 | 0,5 |
| Katillugit | 100,0 | 100,0 | 100,0 | 100,0 | 100,0 |
| Najoqqutaq: https://bank.stat.gl/ESN2A | |||||
Inuussutissarsiutit aaqqissuussaanerat
naatsumik
Piffissami suliffeqarfiit amerlassusaanni ineriartorneq taakkunanilu
akissarsiat katinneri suliaqarfinnut, piginnittuunermut pissutsit
aammalu nunami sumiiffinnut naleqqiullugit annertussusaat
saqqummersitami tamakkiisumik saqqummiunneqarpoq.
Saqqummersitami Kalaallit Nunaanni suliffeqarfiit pisortat allaffissornikkut aqutsinerisa, illersornissap aammalu isumaginninnermut qularnaveeqqutit avataanniittut pineqarput. Tamanna Namminersorlutik Oqartussat piginneqatigiiffii aammalu suliffeqarfiit iluanaarutaasunit ingerlanneqartut misissuinermi ilaanerannik isumaqarpoq, pisortaniilli suliffeqarfiit nalinginnaasut annertunerpaartaat ilaatinneqaratik.
Kisitsisitigut paasissutissani pingaarnertut najoqqutarineqarput Naatsorsueqqissaartarfiup suliffeqarnermut nalunaarsuiffia aammalu isertitanut nalunaarsuiffia Akileraartarnermut Aqutsisoqarfimmi nalunaasuutinik tunngaveqartunit pilersinneqarsimasut. Nalunaarsuutinik suliaqarneq aammalu aaqqissuussaanermut tunngasut allat saqqummersitami periaatsip immikkoortuani nassuiarneqarput, najoqqutanulli nalunaarsuutinut annertunerusumik periaatsit nassuiaataat suliffeqarnermi kistsisitigut paasissutissani aammalu isertitanut kisitsisini paasissutissani saqqummersitani kingullerni nassaarineqarsinnaapput.