Suleriaaseq

Saqqummersitami matumani 2011-miit 2014-imut imarmiunik miluumasunik tunisinerit, puisit amiinik tunisinerit, savaaqqanik, savanik nersussuarnillu toqoraavinni toqaraanerit, tuttunik umimmannillu toqoraavinnut tunisinerit tamanut saqqummersinneqarput.

 

Ukiut siuliinut naleqqiullugu saqqummersitap uumap allaassutigaa qulaani taaneqartut aatsaavissuaq kisermaallugit immikkut saqqummersinneqarmata. Tamanna pisariaqalersimavoq aalisakkanik kisitsisinik saqqummersitsisarnerup minnerpaammik qaammatit pingasukkaarlugit saqqummertalernerata kingorna.

 

Saqqummersitaq sammisanut marlunnut immikkoortuligaavoq:

-          Immikkoortumi siullermi nassuiarneqarput pingaarutilittut peqqutaagajuttut.

-          Immikkoortup aappaa tabelilianik takusassiivoq, tassani soorlu Kalaallit Nunaanni illoqarfinni nunaqarfinnilu puisit amiisa tunisarineqarneri immikkoortitaarneri.

 

Namminersornerullutik Oqartussat nalunaarutaat, kingullermi pisanik savanut assigisaannillu tunisinermut nalunaarut nr. 10, 5. juni 2006-imeersoq naapertorlugu, pisiortortut tunisinermut paasissutissanik nalunaaruteqarnissaminnik piumaffigineqarput.

 

Saqqummersitaq una tunitsiviit nalunaarutaat malillugit suliaavoq.

 

Tunisat akii pisisup akigititai malillugit tunisinemilu tapit assigisaallu sapinngisamik ilanngullugit nalunaarsorneqartarput.

 

Anguniagaavoq, kisitsisit tunngaviit malinnaanissaat. Imaattoqarsimasarporli suliffeqarfiit tunisinermi nalunaarsuutimik ataavartumik nalunaarutigisanis-saat eqqqortinneq ajoraat. Kisitsisimmi atugassat piffissaq annertooq atorlugu katersorsimasaagaluit tamanut nulunaarutigisassat amigaateqariataartarsinnaasarmata.

 

Kisitsisit paasissutissatut katersukkat ataavartumik misissugaajuartuusarput, taamaattumik kisitsisini maanna saqqummersitani siusinnerusukkullu saqqummersitani allanngortoqarsimasinnaasarluni.