Nalinginnaasumik
Tunisat amerlassusaat ataatsimut isigalugu 2015-imi 2014-imut naleqqiullugu procentimik ataasinnguamik amerleriarpoq. Taamaakkaluartoq tunisat nalingi piffissami tassani 12 % missaani ilapput. Taamaalilluni tunisat nalingi oqaluttuarisaanermi siullerpaamik 1 milliard koruunit qaangerlugit naleqalerput.
Qalerallit
Tabeli 1-imi takutinneqarpoq 2015-imi qalerallit tunisat annertussusaat 28.155 tonsiusoq, ukiup siulianut naleqqiullugu 7 %-ip missaani appariarluni. Taamaakkaluartoq tunisat nalingi 3 %-inik piffissami tassani qaffariarput.
Nipisaat
Nipisaat tunisat 2015-imi 7.094 tonsit missaaniipput. Ukiup siulianut naleqqiullugu 12 %-ip missaani appariarlutik. 7.094 tonsit nipisaat assigaat suaat 1.060 tonsit missaat, tassa suanniit nipisannut uuttuut 6,7-iutinneqartarami.
Saarulliit
Saarulliit 2014-mi tunisat 21.035 tonsiniit 2015-imi 33.585 tonsinut amerleriarput. Amerleriaat 60 %-iulluni. Tunisat nalingi 76 %-inik piffissami tassani qaffariarput.
Kinguppaat
2014-imi kinguppaat tunisat 41.847 tonsiniit 2015-imi 33.737 tonsinut ikileriarput. Ikileriaat 19 procentiulluni. Taamaakkaluartoq tunisat nalingi piffissami tassani 8 procentip missaani qaffariarput.
Saattuat
Saattuanik tunisineq 2014-imi 1.683 tonsiniit 2015-imi 1.857 tonsinut qaffariarpoq. Qaffariarnerup assigaa 10 %. Piffissami tassani tunisat nalingi 16 %-ip missaani qaffariarput.