Nalinginnaamik

Tunisat amerlassusaat ataatsimut isigalugu 2017-imi 2016-imut naleqqiullugu 7 pct.-mik ikileriarput. Tunisat nalingi piffissami tassani 10 pct.-nik aamma appariarput.

 

Qalerallit

2017-imi qalerallit tunisat ukiup siulianut naleqqiullugu 21 pct.-nik ikileriarput. Tunisat piffissami tassani nalingi aamma taamak appariarput.

 

Nipisaat

Nipisaat tunisat 2017-imi ukiup siulianut naleqqiullugu amerleriangaatsiarput, tassa 48 pct.-nik qaffariaramik. Tunisat nalingi ukiup taamalineranut sanilliullugu marloriaata sinnerlugu amerleriarput. 7.384 tonsit nipisaat assigaat suaat 1.103 tonsit missaat, tassa suanniit nipisannut uuttuut 6,7-utinneqartarami.

 

Saarulliit

Saarulliit tunisat 2016-imi 40.090 tonsiusimasut 2017-imi 36.072 tonsinut ikileriarput. Ikileriaat 10 pct-iulluni. Tunisat nalingi 7 pct.-inik piffissami tassani appariarput.

 

Kinguppaat

2016-imi kinguppaat tunisat 42.604 tonsiniit 2017-imi 41.762 tonsinut ikileriarput. Ikileriaat 2 procentiulluni. Tunisat nalingi piffissami tassani aamma taamak appariarput

 

Saattuat

Saattuanik tunisineq 2016-imi 1.950 tonsiniit 2017-imi 2.210 tonsinut qaffariarpoq. Qaffariaat 13 pct.-ulluni. Piffissami tassani tunisat nalingi 18 pct.-nik qaffariarput.