Nalinginnaasumik
Tunisat amerlassusaat ataatsimut isigalugu 2019-imi 2018-imut naleqqiullugu 3 pct.-mik amerleriarput. Tunisat nalingi piffissami tassani 10 pct.-nik qaffariarput.
Qalerallit
2019-imi qalerallit tunisat ukiup siulianut naleqqiullugu 5 pct.-nik amerleriarput. Tunisat piffissami tassani nalingi 7 pct.-nik qaffariarput.
Nipisaat
Nipisaat tunisat 2019-imi ukiup siulianut naleqqiullugu 8 pct.-nik amerleriarput. Tunisat nalingi ukiup taamaalineranut sanilliullugu 4 pct.-nik qaffariarput. 7.283 tonsit nipisaat assigaat suaat 1.087 tonsit missaat, tassa suanniit nipisannut uuttuut 6,7-iutinneqartarami.
Saarulliit
Saarulliit tunisat 2018-imi 27.397 tonsiusimasut 2019-imi 24.145 tonsinut ikileriarput. Ikileriaat 12 pct-iulluni. Tunisat nalingi 6 pct.-inik piffissami tassani qaffariarput.
Kinguppaat
2018-imi kinguppaat tunisat 45.249 tonsiniit 2019-imi 49.937 tonsinut amerleriarput. Amerleriaat 10 procentiulluni. Tunisat nalingi piffissami tassani 18 pct.-nik qaffariarput.
Saattuat
Saattuanik tunisineq 2018-imi 2.646 tonsiniit 2019-imi 2.696 tonsinut qaffariarpoq. Amerleriaat 2 pct.-ulluni. Piffissami tassani tunisat nalingi 4 pct.-nik qaffariarput.
Avataasiorluni aalisarneq
Nunatta imartaani
Avataasiorluni nunatta eqqaani nammineq tunisassiuutigalugu aalisarnermi pisat 2019-imi 2018-imut naleqqiullugit 36 pct.-nik ikileriarput. Taamaakkaluartoq pisat nalingi piffissami tassani 8 pct.-nik qaffariarput.
Imartat allat
Imartani allani aalisarnermi 2019-imi pisat ukiup siulianut naleqqiullugu taamaaginnarput. Taamaakkaluartoq pisat nalingi piffissami tassani 60 pct. sinnerlugu qaffariarput.
Aalisariutinut tunngasut tunisallu nalingi
Aalisariutit qassiuneri kommuninut agguarlugit tabellini takuneqarsinnaapput (tabeli 11 aamma 12), tassani angallatit aalisariutit, umiatsiat, qimussit aammalu qamuteralaat, minnerpaamik ataatsimik aalisarsinnaanermut akuersissummik pigisaqartut minnerpaamillu ataasiarlutik 2019-imi pisanik tunisaqarsimasut kisinneqarsimapput. Angallatit aalisariutit angissutsinut, sananeqaatsinut, aalisariaatsinut kommuninullu agguataarsimapput.
Tabeli 12-imi angallatit 2019-imi pisoqaassusaat takutinniarneqarpoq.
Tabeli 13-imi tunisat decilinut aggorlugit takutinneqarput.
Tabeli 14-imi angallatinut aalisariutit angissuseqatigiit pingasunut umiatsianullu tunisat nalingi, qaleralinnut aalisakkanullu tamanut takutinniarneqarput.