Periaaseq

Naatsorsuutini pineqartut tassaapput Danmarks Statistik-ip inuup-normuinut nalunaarsuisarfiani nalunaarsorneqarsimasut Kalaallit Nunaanni inunngorsimasut Danmarkimi najugallit. Naatsorsorneqartut angajoqqaavisa inunngorfii tunngavigalugit agguaanneqarput. Kalaallit Nunaanni inunnik nalunaarsuisarfik 1972-imi atuutsinneqalerpoq. Taamaattumik kalaallit angajoqqaat 1972 sioqqullugu toqusimasut inunngorfiat paasissutissaqanngitsutut naatsorsugaasinnaapput.

Nalunaarsuutit tunngaviusut Danmarks Statistik-imi nalunaarsuisarfimminngaanneerput. Danmarks Statistik-imiillu periaaseq atorneqarpoq. Taamaattumik tabelinut ataasiakkaanut periaaseq Danmarks Statistik-imi nassaarineqarsinnaavoq.