Allaffeqarneq

Kalaallit Nunaanni Naatsorsueqqissaartarfik 2008-p qiteqqunneraniilli Ilimmarfiup ilaani kalaallit ilisimatusarnermik suliaqartut arlaqartut allat peqatigalugit inissisimavoq. Qitiusumik allaffissuup ilaata allaffimmut quleriiaartumut nuunneranut atatillugu allaffiit atorneqarunnaarmata Naatsorsueqqissaartarfik ulloq 25. apriili 2014 Nuuk qeqqani allaffinnut nuuppoq. Nuunnermi siunertaq tassaavoq qitiusumik allaffissuarmi aqutsisoqarfiit, kommunit, suliffeqarfiit anginerit soqutigisaqaqatigiillu kattuffii ilanngullugit suleqatigineqartartut pingaarnerit qaninnerulernissaat.