PIGINNAANNGORSAQQINNEQ

2002-mili inuit 18-it 62-illu akornanni ukiullit nalinginnaasunik atugassaqartitaallutik sulisinnaanngitsunut ilinniakkamillu ingerlatsisinnaanngitsunut piginnaanngorsaqqinissaq siunertaralugu ikiorserneqarnissamik neqeroorfigineqarsinnaalerput. Inuit pineqartut tassaapput, peqqissutsimikkut isumaginninnikkulluunniit peqquteqartumik sulisinnaanermikkut killeqalersimasut.

Piginnaanngorsaqqiinissamut ikiorsiineq inuussutissarsiutinut sammivoq aningaasatigullu ikiorsiinerulluni piginnaanngorsaqqiinermut ikiorserneqartoq ingerlatsisinnaaginnaqqullugu suliffeqarnermulluunniit uterteqqissinnaaqqullugu. Piginnaanngorsaqqiinermut ikiorsiineq aamma ilinniarnertut, atuaqqinnertut pikkorissarnertulluunniit ingerlanneqarsinnaavoq.

Ilinniarsimanngitsunut SIK-mi akissarsianut isumaqatigiissutit malillugit akissarsiat minnerpaaffiisa 70 %-iannik piginnaanngorsaqqiinermi ikiorsiissutit tunniunneqartarput.

Aamma suliffeqarfimmut piginnaanngorsaqqiffimmut akissarsianut aningaasartuutinut 20 aamma 80 pct-it akornanni tapiissuteqartoqarsinnaavoq.

Aallaavittut piginnaanngorsaqqiinermut ikiorsiineq ukiunik marlunnik sivisussuseqarsinnaavoq, kisianni pissutsit immikkut itsillugit sivitsorneqarsinnaavoq.

Inuit sulisinnaassutsimikkut killeqartut, isumaginninnikkut pensionisiaqanngikkunik piginnaanngorsaqqiinermik ikiorsiinikkut periarfissaat nungussimappata akissarsianik tapiissuteqarluni nikerartumik sulisussanngorlugit atorfinitsinneqarsinnaapput.

Nittartagaq takuneqarsinnaasoq:

Piginnaanngorsaqqiinermut ikiorsiineq pillugu paasisaqarnerorusukkuit nittartagaq una takuuk: www.nanoq.gl