SULISINNAASUT
Sulisinnaasut nassuiarneqarpoq tassaasut innuttaasut ilaat, suliffeqareersut imaluuniit suliffeqalerusuttut piffissallu sivikitsup iluani atorfimmi nutaami sulilersinnaasut.
Sulisinnaasutut iluaqutigineqarsinnaasut
Suliffeqarnermi kisitsisitigut paasissutissani piffissap sivikitsup iluani sulilerusuttut qanoq amerlatiginersut ilisimaneqanngimmata taaguut "sulisinnaasutut iluaqutigineqarsinnaasut" atorneqartarpoq, Kalaallit Nunaannilu 2008 tikillugu inuit 15-niit 62-nik ukiulinnut nassuiaatigineqarpoq 63-nillu ukioqalernermi pensionisiaqalersinnaallutik. 2009 aallarnerfigalugu sulisinnaasunut ilaasut tassaalerput inuit 15-niit 63-nik ukiullit tamarmik, tassa 2010 tikillugu ukiut tamaasa ukiumik ataatsimik pensionisiaqarfiusoq qaffanneqartassagami tassalu 65-nik ukioqalernissaq tikillugu.
Suliffissaaleqisunut kisitsisitigut paasissutissani sulisinnaasut ikileriartinneqarput, matumani inuit Kalaallit Nunaata avataani inunngortut isiginiarneqanngimmata. Tamatuminnga peqqutaavoq, suliffissaaleqisutut nalunaarsorsimasuni ikittuinnaat Kalaallit Nunaata avataani inunngortuunerat.
Illoqarfinni nunaqarfinnilu suliffissaaleqineq tunngaviusumik naatsorsorneqartarpoq, kisianni paasinarsivoq ukiuni kingullerni nunaqarfinni suliffissaaleqineq pillugu paasissutissanik tutsuiginartunik pissarsiniarneq ajornakusoortuusoq. Taamaattumik suliffissaaleqisut naatsorsorneranni taamaallaat inuit Kalaallit Nunaanni inunngorsimasut illoqarfinnilu najugaqartut 15-niit qummut utoqqalinersiaqalersut tungaannut pineqartarput.
Taamaalillutik sulisinnaasuviit ikinnerupput, taakkununnga ilaammata inuit sulisinnaanngitsut sulerusunngitsulluunniit. Tassani ilaatigut ilaapput inuusuttut ilinniagaqartut, anaanat qitornartaarnermut atatillugu sulinngiffeqartut imaluunniit inuit siusinaartumik pensionisiaqartut.
Takussutissiaq 1
1996-miit 2009-mut sulisorineqarsinnaasut
|
Ukioq |
Kalaallit Nunaanni inunngortut |
Kalaallit Nunaanni inunngorutut illoqarfimmiut |
Kalaallit Nunaata avataani inunngortut |
Sulisorineqarsin-naassutut isumalluutit |
|
|
15-59 |
1996 |
30.259 |
24.488 |
6.038 |
36.297 |
|
15-59 |
1997 |
30.370 |
24.563 |
5.943 |
36.313 |
|
15-59 |
1998 |
30.540 |
24.751 |
5.832 |
36.372 |
|
15-59 |
1999 |
30.630 |
24.911 |
5.709 |
36.339 |
|
15-62 |
2000 |
31.627 |
25.751 |
5.857 |
37.484 |
|
15-62 |
2001 |
31.981 |
26.167 |
5.672 |
37.653 |
|
15-62 |
2002 |
32.206 |
26.402 |
5.785 |
37.991 |
|
15-62 |
2003 |
32.447 |
26.662 |
5.734 |
38.181 |
|
15-62 |
2004 |
32.708 |
27.014 |
5.765 |
38.473 |
|
15-62 |
2005 |
33.059 |
27.352 |
5.650 |
38.709 |
|
15-62 |
2006 |
33.293 |
27.595 |
5.403 |
38.696 |
|
15-62 |
2007 |
33.505 |
27.852 |
5.147 |
38.652 |
|
15-62 |
2008 |
33.634 |
28.081 |
4.992 |
38.626 |
|
15-63 |
2009 |
34.024 |
28.524 |
5.031 |
39.055 |
Malugiuk: Utoqqalinermi pensionisiaqartunut ukiutigut angusassaq killissaatitaq ukioq 2000-miit 60-nik ukiuliniit 63-nut ukioqalernissamut qaffanneqarpoq. Ukioq 2009-mi killissaatitaq 64-inik ukioqalersunut qaffassaaq, ukiorlu 2010-mi 65-nik ukioqalersunut qaffassalluni.
Najoqqutaq: Naatsorsueqqissartarfik