ANINGAASAQARNEQ
Aningaasartuutit tamarmiusut
Takussutissaq ataaniipput tunngaviusumik ilinniartitaanermut, ingerlaqqiffiusunik ilinniagaqarnernut kiisalu ilinniartut najugaqartinneqarnerinut aammalu ilinniagaqanersiutinut aningaasartuutit.
Illoqarfinni inuussutissarsiornermi ilinniarfinni ininut atuartitsiviusunut, pequtinut, allaffissornermut, sulisunullu inissianut kiisalu ilinniartunut ineqarfiit ingerlanneqarnerinut aningaasartuutit aningaasalersorneqarneri Namminersornerullutik/Namminersorlutik Oqartussanit aamma kommuninit avinneqartarput.
Inuussutissarsiutinut ilinniartitaanermi aningaasartuutit tamarmiusut, tassunga ilanngullugu Peqqinnissamut Ilinniarfik, Takussutissiami 1-mi takuneqarsinnaapput.
Ilinniartut ineqarnerannut aningaasartuutit kisitseriaaseq aningaasartuutivinnut kisitsit atorneqarpoq, tassa ilinniartut akiliuterpiaata ilanngaataa peereerlugu.
Ilinniagaqarnersiutinut aningaasartuutit tamarmiusut, Kalaallit Nunaanni, Danmarkimi, nunanilu allani ilinniartunut allanut stipendiat ilanngullugit, takussutissiami aamma takuneqarsinnaapput.
Takussutissiaq 1
Ilinniarfinnut piginnaanngortitsisunut anigaasaliissutit
Malugiuk: 2009-mi 2010-milu missingersuutit pineqarput.
Nassuiaatit: 1) Ilinniarfissuaq, Ilisimatusarfik, højskolit,
Eqqumiitsuliornermut Ilinniarfik, Peqqissaanermut Ilinniarfik.
Tusagassiornermik Ilinniarfik, Oqaatsinik Pikkorissarfik Sisimiut,
PhD-ngorniarneq Ilisimatuussatut Iilinniarneq aamma Isumaginninnermi
Siunnersortinngorniat Ilinniarfiat (ISI).
Najoqqutaq: Landskarsip naatsorsuutai aamma KANUKOKA