ILINNIARFIIT
Inuussutissarsiutinut ilinniartitaanerit Suliffeqarnermut Inuussutissarsiutinullu Ilinniartitaanermut Naalakkersuisoqarfiup suliassaqarfiata ataaniipput. Peqqinnissamulli tunngasumik ilinniartitaanerit 1992-mit Peqqissutsimut Avatangiisinullu Naalakkersuisoqarfimmut inissinneqarput, politiitut ilinniartitaaneq politiit pisortaata akisussaaffiatut inissisimalluni.
Kulturimut ilinniartitaanermullu ataatsimiititaliaq Inatsisartut ataani pilersinneqarsimavoq, ilaatigut sulianik inuussutissarsiutinut ilinniartitaanermut tunngasunik suliaqartoq.
Naalakkersuisunut siunnersuisuusartussatut aamma pilersinneqarput Ilinniartitaanermut Siunnersuisoqatigiit kiisalu Piginnaanngorsaqqinnermut Siunnersuisoqatigiit. Piginnaanngorsaqqinnermut Siunnersuisoqatigiit siunertaat tassaavoq inuussutissarsiutinut ilinniartitaanermut piginnaanngorsaqqinneq pillugu Naalakkersuisunut siunnersuinissaq kiisalu suliffeqarnermut aamma inuussutissarsiutinut ilinniartitaanermut tunngasuni suliniutit ataqatigiissarnerunissaat.
Qitiusumik ilinniarfiit forstanderimit aqunneqarput. Atuarfinnut atatillugu qitiusumik ilinniartitaanermut ataatsimiititaliaqarpoq, ilinniarnerit naammaginartumik qaffasissuseqarnissaat nakkutigalugit qularnaartussaallugit. Qitiusumik Ilinniartitaanermut Ataatsimiititaliaq suliamik ilisimasaqarfiusutut qullersaavoq.
Suliffeqarneq pillugu iluarsartuusseqqinnerup kingunerisaanik kommunit 2006-mi ilitsersuisarfiit Piareersarfinnik taaneqartartut pilersippaat.
Piareersarfeqarnerup siunertaraa suliffissaaleqisut imaluunniit ilinniagaqarniartut ilinniagaqalernissamut imaluunniit suliffeqarnikkut pimoorussillutik peqataalersinnissaannut piareersarnissaat.
Piareersarfiit pillugit paasisaqarnerorusukkuit nittartagaq una takusinnaavat: www.nanoq.gl
Inuussutissarsiutinut tunngaviusumik ilinniartitaanerit tassaapput sanaartornermut saviminilerinermullu tunngasut, niuerneq allaffissornermillu ilinniarneq, inuussutissalerineq, isumaginninneq peqqinnissarlu, ilusilersuinermut tunngaviusumik ilinniarnerit, sullissinernut tunngasumik ilinniarnerit kiisalu innaallagisserinermik tunngaviusumik ilinniarnerit. Ilinniarnerit assigiinngitsunik sivisussuseqarput ilinniarnerup suunera apeqqutaalluni.
Takussutissaq 1
Kalaallit Nunaanni Inuussutissarsiutinut ilinniarfiit
Saviminilerinermik Ilinniarfik, Nuuk
Tassani ilinniartinneqartarput ilaatigut saffiuut / maskinarbejderit, motorinik iluarsaasartut, assartuinermi atortunik iluarsaasartut quersualerisartut, innaallagialerisut, elektro-, elektroni-, kontormaskine-, radio- aamma datamekanikerinngorniat.
Saffiuunut, automekanikerinut, maskin-, umiarsuarmi-, køle-, el- aamma.automamekanikinut pikkorissartitsisoqarlunilu ilinniartitsisoqaqqittarpoq.
Saviminilerinermik Ilinniarfik pillugu paasisaqarnerorusukkuit nittartagaq una takusinnaavat: www.jernmetalskole.gl
Sanaartornermik Ilinniarfik, Sisimiut
tassunga ilanngullugu Teknikikkut ilinniarnertuunngortoorniarfik
Tassani ilinniartinneqartarput ilaatigut sanasut pequsiortut, ruujorilerisut,
illunik qalipaasartut aamma qaartiterisut entreprenørillu.
Toqqavissanut kuutsiviliornerup, qalialiornerup, teknik atorlugu ussissaanerup, kiassaatinik uuliatortulerinerup, paaviaanerup, glasfiberiliinerup aamma umiatsianik aserfallatsaaliinerup iluanni pikkorisaasoqartarpoq.
Sanaartornermik Ilinniarfik pillugu paasisaqarnerorusukkuit nittartagaq una takusinnaavat: www.sanaartornermik.gl
Niuernermik Ilinniarfik, Nuuk aamma Qaqortoq
Tassani ilinniartinneqartarput ilaatigut niuernerup allaffissornerup iluani assistentit, HHX ukiumi ataatsimi ingerlanneqartartoq, ilinniagartuutut ilinniarnerit, nunani tamalaani niuerneq nittarsaanerlu. Aningaasanik nukissanillu aqutsineq, IT-mik aqutsineq, inatsisinut tunngasunik suliaqarneq, aningaasarsiornermik ilinniarnerit aamma ilitsersuisutut ilinniarnerit.
Niuertarfinni allaffimmilu sulisunut ilinniaqqinnerit aamma ilinniagartuutut merkonominut pikkorissarnerit kiisalu sulianik sammisunik arlalinnik pikkorissaasoqartarluni.
Niuernermik Ilinniarfiit pillugit paasisaqarnerorusukkuit nittartakkat uku takusinnaavatiti: www.ninuuk.gl aamma www.niqaq.gl
Aalisakkanik Tunisassiornermik Ilinniarfik, Maniitsoq
Inuussutissalerinermut teknikerinngorniat ilinniartarput kiisalu ilinniartitsissutini ataasiakkaani ilinniarnertuunngornianut ataatsimoorussamik ilinniartitsissutit ukiumi ataatsimi ingerlanneqartarput.
Tunisassiornermi, laboratoriami avatangiisinullu tunngasunik ilinniartitseqqinnerit ingerlanneqartarput.
Inuussutissalerinermik Ilinniarfik INUILI, Narsaq
Tassani ilinniartinneqartarput ilaatigut igasut, saqisut, saaffiginnittarfimmiut, nersutinik toqoraavimmi sulisut iffiortut, iggavimmi ikiortit, cafeteriami kantiinamilu ikiortit aamma akunnittarfinni takornariartitsinermilu ikiortit.
Inuussutissalerinerup iluani nalinginnaasumik ilinniaqqinnerit neqeroorutigineqartarput.
Inuili pillugu paasisaqarnerorusukkuit nittartagaq una takusinnaavat: www.inuili.gl
Imarsiornermik Ilinniarfik, Paamiut
Tassani ilinniartinneqartarput ilaatigut sumiissusersiortartut, aalisariutini naalagaassat 1. aamma 3. grad kiisalu kystskipperit.
Imarsiortunut naalagassatullu ilinniarsimasunut arlalinnik ilinniartitsisoqaqqittarpoq kiisalu nuannaariutinik angallataatilinnut yacktskipperinullu atuartitsisoqarluni misilitsitsisoqartarluni.
Imarsiornermik Ilinniarfik pillugu paasisaqarnerorusukkuit nittartagaq una takusinnaavat: www.imarsiornermik.gl
Umiarsuarnik isumaginninnermik ilinniartitaanerit Royal Arctic Line A/S aamma Århus
Eksportakademi imaluunniit Vejle Handelskole suleqatigalugit, Kalaallit Nunaat, Danmark Tassani ilinniartinneqartarput ilaatigut allaffimmiut, umiarsuanik isumaginninnermi sulisut, aqumiut, skibsmekanikerit, entreprenørmaskinmekanikerit aamma terminalmedarbejderit.
Perorsaanermik Ilinniarfik, Ilulissat
Tassani ilinniartinneqartarput ilaatigut isumaginninnermi peqqissaanermilu ikiortit aamma perorsaasut.
Perorsaanerup allallu isumaginninnermi perorsaanerup iluani sulisunut allanut ilinniartitseqqinnerit neqeroorutigineqartarput.
Perorsaanermik Ilinniarfik pillugu paasisaqarnerorusukkuit nittartagaq una takusinnaavat: www.pi.sps.gl
Peqqissaanermik Ilinniarfik, Nuuk
Tassani ilinniartinneqartarput ilaatigut peqqissaasut, peqqinnissamut ikiortit aamma peqqinnissamut assistentit.
Paaqqutarinninnerup iluani sulisunik ilinniartitseqqinnerit neqeroorutigineqartarput.
Peqqissaanermik Ilinniarfik pillugu paasisaqarnerorusukkuit nittartagaq una takusinnaavat: www.pi.gl
Oqaatsinik Pikkorissarfik, Sisimiut
Tassani ilinniartinneqartarput oqalutsit nuterisullu.
Namminersortunut suliffeqarfinnullu oqaatsitigut pikkorissarnerit oqaatsitigullu atuartitsinerit neqeroorutigineqartarput.
Oqaatsinik Pikkorissarfik pillugu paasisaqarnerorusukkuit nittartagaq una takusinnaavat: www.oqaatsit.gl
Eqqumiitsuliornermik Ilinniarfik, Nuuk
Assilialiornermut ilinniarfinni, eqqumiitsuliornermi ilinniarfissuarni, atisanik ilusilerinermut ilinniarfinni assigisaannilu ilinniartutut ingerlaqqinnissamut aningaasatigut tapiiffigineqarnissamik qinnuteqarnissamut pisariaqarpoq.
Politiit Ilinniarfiat, Nuuk
Tassani politiit ilinniartinneqartarput.
Politiinik ilinniartitseqqinnerit neqeroorutigineqartarput.
Politiit Ilinniarfiat pillugu paasisaqarnerorusukkuit nittartagaq una takusinnaavat: www.politi.gl/psk
Upernaviarsummi Nunalerinermik Ilinniarfik, Qaqortoq
Savaatilissatut, tunisassiornissamut gartneritut aamma naatitsivinni gartneritut ilinniartitaanerit ingerlanneqarput.
Upernaviarsummi Nunalerinermik Ilinniarfik pillugu paasisaqarnerorusukkuit nittartagaq una takusinnaavat: www.nunalerineq.gl
Ilisimatusarfik, Nuuk
Ilisimatusarfimmi ilinniartitaanerit immikkoortortaqarfinnit ukunanit neqeroorutigineqarput: Teologi, Oqaatsit, Atuakkialerineq Tusagassiutillu, Allaffissorneq, Kulturi Inuiaqatigiillu oqaluttuarisaanerat, Isumaginninneq aamma Tusagassiorneq.
Ilisimatusarfik pillugu paasisaqarnerorusukkuit nittartagaq una takusinnaavat: www.ilimmarfik.gl
Ilinniarfissuaq, Nuuk
Tassani ilinniartitsisut ilinniartinneqartarput.
Ilinniarfissuaq pillugu paasisaqarnerorusukkuit nittartagaq unga takusinnaavat: www.ilinniarfissuaq.gl
ARTEK Issittumi Ingeniøri, Sisimiut aamma Lyngby
Issittumi teknologi immikkut sammillugu ingeniøritut ilinniarfik.
Issittumi pissutsit pillugit pikkorissarnerit isumasioqatigiinnerillu ingerlanneqartarput.
Issittumi Ingeniøritut ilinniarfik, ARTEK, pillugu paasisaqarnerorusukkuit nittartagaq unga takusinnaavat: www.sanilin.gl