ANINGAASERIVEQARNEQ

Aningaaseriviit akilersuinerpassuit pisariitsumik akikitsumillu qulakkeerinneqataapput, assersuutigalugu nioqqutissanik kiffartuussinernillu pisinermut tunisaqarnermullu akisarsianillu akiliinernut atatillugu angerlarsimaffinnit suliffeqarfinnillu ulluinnarni ingerlanneqartartunik. Akiliinerit tamarmik ippinnaateqanngitsumik ingerlanneqarnissaat aningaaseriviit qulakkeertarpaat.

Aningaaseriviit saniatigut Namminersorlutik Oqartussanik isumaqatigiissut aamma aningaasaliissut malillugu KNI A/S aningaaseriviit suliaannik nalinginnaasunik sinerissami illoqarfinni arlalinni suliaqarput.

GrønlandsBANKEN A/S aningaaserivinni kisiartaalluni tamakkiisumik sullissisuuvoq Nuummi qullersaqarfeqarluni aamma Sisimiuni, Ilulissani, Qaqortumi Maniitsumilu immikkoortortaqarluni.

Banknordik Tórshavnimi Savalimmiuni, qullersaqarfeqartoq nunani allani aningaaserivinni kisiartaalluni Kalaallit Nunaanni immikkoortortaqarpoq, tassa Nuummi, Sisimiuni Ilulissanilu.

Inuit suliffeqarfiillu arlalissuit nunani allani kontoqarput, siullermik qallunaat aningaaseriviini.

Titartagaq 1-mi takutinneqarpoq pingaarnertut ingerlatsiviusuni qulaani taaneqartuni uninngasuutit taarsigassarsiallu agguarneri.

Titartagaq 1

Inuinnarnut suliffeqarfinnullu aningaasat uninngasuutit taarsigassarsiarineqartullu agguataarnerat

Malugiuk: Ukioq 2002-miilli niuernikkut pissarsiap peqataasut akornanni nikerartarsimasinnaanera.

Najoqqutaq: Namminersulernissamut ataatsimiititap nalunaarutaa 2003. CSC-p Danmark A/S-p immikkut naqititaa (2002) kisitsisit Akileraaruserinermit, Akileraartarnermut aqutsisoqarfimmit aammalu Akileraartarnemut Pisortaqarfiup saqqummiussai tunngavigalugit

Kalaallit Nunaanni aningaaserivinnik ingerlatsineq Finanstilsynemit nakkutigineqarpoq.

Titartagaq 2

Aningaasanik uninngasuutitigut aamma atukkiussanut erniarititaasup agguaqatigiissinnera

Malugiuk: Erniat malinneqartut taakkuupput aningaasaateqarfiup nalinginnaasumik agguaqatigiissumik erniarititai, tassa taarsigassarsisitsinertigut erniatigut isertitat taarsigassarsiat ataatsimut katinnerinik agguarlugit uninngasuutillu erniaasa uninngasuutit ataatsimut katinnerinit agguarlugit. 

Najoqqutaq: GrønlandsBANKEN

Nittartakkat takuneqarsinnaasut:

KNI A/S pillugu annertunerusumik uani takusaqarit: www.pilersuisoq.gl

Grønlandsbanken pillugu annertunerusumik uani takusaqarit: www.banken.gl

Banknordik pillugu annertunerusumik uani takusaqarit: www.banknordik.dk

Danmarkimi finanstilsyni pillugu annertunerusumik uani takusaqarit: www.finanstilsynet.dk