Aningaaseriveqarneq

Aningaaseriviit akilersuinerpassuarnut pisariitsumik akikitsumillu qulakkeerinneqataapput, assersuutigalugu nioqqutissanik kiffartuussinernillu pisinermut tunisaqarnermullu akisarsianillu akiliinernut atatillugu angerlarsimaffinnit suliffeqarfinnillu ulluinnarni ingerlanneqartartunik. Akiliinerit tamarmik ippinnaateqanngitsumik ingerlanneqarnissaat aningaaseriviit qulakkeertarpaat. Aningaaseriviit saniatigut Post Greenland (Tele Greenland A/S) sineriammi illoqarfinni amerlasuuni tunngaviusumik aningaasaqarnikkut aningaasaqarnikkullu kiffartuussisarpoq.

 

GrønlandsBANKEN A/S aamma Namminersorlutik Oqartussat isumaqatigiissutaat malillugu tunngaviusumik aningaasaqarnikkut ataqatigiimmik aaqqissuussineq BBB-system-imik taaneqartartoq GrønlandsBANKENip illoqarfinni nunaqarfinnilu ingerlappaa, saniatigullu aamma KNI A/S suleqatigalugu BBB-system-i illoqarfinni nunaqarfinnilu isorliunerusuni atuutsinneqarpoq.

 

Aamma takukkit nittartakkat: www.post.gl/ aammalu www.pilersuisoq.gl

 

GrønlandsBANKEN A/S aningaaserivinni kisiartaalluni tamakkiisumik sullissisuuvoq Nuummi qullersaqarfeqarluni aamma Sisimiuni, Ilulissani, Qaqortumi Maniitsumilu immikkoortortaqarluni. Aningaaserivik pillugu paasissutissat takuneqarsinnaapput uani: www.banken.gl

 

Banknordik Tórshavnimi Savalimmiuni, qullersaqarfeqartoq nunani allani aningaaserivinni kisiartaalluni Kalaallit Nunaanni Nuummi immikkoortortaqarpoq. 2010-mi BankNordik SparBankip Kalaallit Nunaanni immikkoortortaqarfii nangillugit siulersulerpai. BankNordik pillugu paasisaqarnerorusukkuit nittartagaq www.Banknordik.gl alakkaruk.

 

Kalaallit Nunaanni aningaaserivinnik ingerlatsineq Finanstilsynemit nakkutigineqarpoq. Aningaaserivinnik ingerlatsinermi nakkutilliinerit takuneqarsinnaapput nittartakkami www.finanstilsynet.dk