Peqqinnissaqarfik

Peqqissutsimut Attaveqarnermullu Naalakkersuisoqarfik politikkikkut allaffissornikku aqutsinermi qullersatut pisortaqarfiuvoq, Peqqissutsimut Attaveqarnernullu Naalakkersuisoq pisortaralugu.

 

Nunap immikkoortuini Peqqinnissaqarfiit

Nunatsinni Peqqinnissaqarfik nunap immikkoortuini tallimani peqqissaaveqarpoq taakkunani nunaqarfiit illoqarfimminnut ilallutik:

 

·         Qeqqani peqqissaaviit, Sisimiut aamma Maniitsoq

·         Diskomi peqqissaaviit, Aasiaat, Kangaatsiaq, Qeqertarsuaq aamma Qasigiannguit

·         Avannaani peqqissaaviit, Ilulissat, Uummannaq, Upernavik aamma Qaanaaq

·         Sermersuumi peqqissaaviit, Nuuk, Paamiut, Ivittuut, Tasiilaq aamma Illoqqortoormiut

·         Kujataani peqqissaaviit, Qaqortoq, Nanortalik aamma Narsaq

 

Inuiaqatigiit Kalaallit Nunaanni inuit nalunaarsuiffianni allassimasut kommunillu killeqarfiini najugallit akeqanngitsumik peqqissaavinni ikiorserneqartarput.

 

Peqqissutsimut Attaveqarnermullu Naalakkersuisoqarfik aammalu Peqqissutsimut Pitsaaliuinermullu Aqutsisoqarfik pillugit paasisaqarnerusinnaavutit uani: www.naalakkersuisut.gl/kl-GL/Naalakkersuisut/Naalakkersuisoqarfiit/Sundhed-og-Infrastruktur

 

Titartagaq 6.1. Peqqinnissaqarfimmi peqqissaasunik napparsimasunillu paarsisunik sulisoqarneq

Najoqqutaq: Peqqissutsimut Attaveqarnermullu Naalakkersuisoqarfik

 

Peqqinnissaqarfimmi peqqissaasut, paaqqinnittut meeraaqqerisullu Tabel 5--mi takuneqarsinnaapput.

 

Dronning Ingridip Napparsimavissua

Kalaallit Nunaanni napparsimmavissuaq Dronning Ingrid-ip Napparsimmavissua illoqarfiit pingaarnersaanniittoq tallimanik immikkoortortaqarpoq:

 

·         Nakorsartittunut immikkoortortaqarfik

·         Tarnikkut napparsimasunut immikkoortortaqarfik

·         Ingerlatsinermut immikkoortoqarfik

·         Pilattaavik

·         Nukinginnartunik pisoqartillugu immikkoortoqarfik

 

Dronning Ingridip Napparsimmavissua pillugu annertunerusumik paasisaqarusukkuit una iserfigiuk: www.Peqqik.gl/Emner/Patientinformation/

 

Titartagaq 6.2. Agguaqatigiissillugit ullut uninngaviit napparsimmaveqarfinni assigiinngitsuni

Najoqqutaq: Peqqissutsimut Pitsaaliuinermullu Aqutsisoqarfik

 

Titartagaq 6.3. Dronning Ingridip Napparsimmavissuani immikkoortortaqarfinnit angerlatut

Najoqqutaq: Namminersorlutik Oqartussat Aningaasanut Inatsisaat 2014

 

Kalaallit Peqqissartut illuat

Kalaallit Peqqissartut Illuat Københavnimiittoq napparsimasunut, suliaritikkiartortunut misissortikkiartortunulluunniit angerlarsimaffiuvoq.

Peqqinnissaqarfiup Danmarkimi napparsimmavinnit atuinera Tabel 7-mi takuneqarsinnaavoq.

 

Titartagaq 6.4. 2013-mi napparsimasunik ajoqusersimasunillu angallassinerit

Najoqqutaq: Namminersorlutik Oqartussat Aningaasanut Inatsisaat 2014

 

Kalaallit Peqqissartut Illuat pillugu paasisaqarnerorusukkuit nittartagaq una: www.Peqqik.gl/Emner/Patientinformation/ takujuk.