Immikkoortoq una 8. juuli 2014 nutarterneqarpoq.
Illersornissaq
Namminersorlutik Oqartussanit akisussaaffigineqalersinnaanngitsoq Namminersorlutik Oqartussat inatsisaanni allaqqavoq.
Grønlands Kommando (GLK) Arsuup kangerluata qinnguani Kangilinnguaniittoq (Grønnedal). 31. oktober 2012 Grønlands Kommando matuneqarpoq. Paarlattuanik Nuummi inissisimasoq Arktisk Kommando pilersinneqarpoq.
Arktisk Kommando Illersornissamut Qullersaqarfiup (Forsvarkommandoen) ataani inissisimavoq, Arktisk Kommando-lu pisortaa illersornissamut pisortap ataani inissisimalluni.
Malittuani Kalaallit Nunaanni kiffartuussiviit pineqartut Kalaallit Nunaanni Illersornissamut Qullersaqarfiup ataani inissisimapput. Tassaallutillu Station Nord, slædepatruljen Sirius Daneborg-imi qullersaqarfeqartut, Forsvarets Vagt Mestersvig, Luftgruppe Vest, Kangerlussuarmi administrationselementi kiisalu Kalaallit Nunaanni Logistik Center Aalborgimi mittarfeqarfimmi inissisimasoq. Taakku saniatigut Arktisk Kommando attaveqarpoq Thule Air Basemi inissisimasumi.
Arktisk Kommadop sorsunneqartinnagu pingaarnertut suliassaraa nakkutiginninneq namminersortuunermik atortuutitsineq. Suliassat allat ilaatigut taaneqarsinnaapput aalisarnermut killeqarfinnik nakkutilliineq, ujaasinerit annaassiniarnerillu, imartatigut avatangiisinik nakkutilliineq mingutsitsinernillu akiuineq, imaatigut uuttortaaneq kiisalu inuiaqatigiinnut kalaallinut ikorfartuineq.
Sakkutuut qimussimik nakkutilliisut ”Siriusip” suliassaraa, nunamut oqartussaassuseqarnermik atuutitsineq pinerluttaalisitsisutullu oqartussaasuseqartutut nunami allanngutsaaliukkami ilisimasassarsiornernik eqqissisimatitsinermilu aalajangersakkanik nakkutiginninneq taamatullu nunami alapernaarsuineq.
Illersornissaqarfiup Station Nordip pingaarnertut suliassaraa mittarfeqarfiup ukioq naallugu ammatinneqarnissaa aammalu illusiffissaqarnermi pisariaqartitanik ukioq naallugu isumaginninnissaq suliarissallugu, Kalaallit Nunaanni Illersornissakkut sakkutooqatigiit taperserlugit. Matumani pingaartutut tapersissallugit Qimussimik Alapernaarsuisoqatigiit SIRIUS aammalu Kitaani illersornissakkut Timmisartortartoqatigiit. Pisussaaffiit saniatigut Station Nord nunap ilaani danskit oqartussaassusiannik nittarsaasseqataavoq Kalaallit Nunaanni Politimesteri sinnerlugu politiitut pisinnaaffeqartitaalluni, Nunami Eqqissisimatitami Station Nord aallaavigalugu tikeraartunut. Taamatuttaaq Station Nord Nunap Avannaarsuani ilisimasassarsiortunut ikorfartuutaavoq, aammalu Danmarks Meteorologiske Institutimut nalunaarsuutinik katersuilluni.
Illissornissakkut pigaartoqarfik Mestersvig pilersuisoqarfittut inissisimavoq, inuit marluk ukioq naallugu ingerlatassatut akisussaaffigisaat. Iluarsaassinerit suugaluartut suliarissavaat, sunik tamanik pilersornissaa isumagissavaat, qamutit assigiinngitsut motoorillit ingerlassinnaassavaat, timmisartunut miffissaqarnissaq mititsinissarlu isumagissavaat, radiolerisinnaassapput, ilisimasassarsiornerillu il.il. nakkutigissallugit.
Takussutissaq 6.1. Illersornissamut Ministereqarfiup Kalaallit Nunaanni suliassanut aningaasartuutaat
|
|
1990 |
1995 |
2000 |
2005 |
2011 |
2012 |
2013 |
|
|
Mio.kr |
||||||
|
Aningaasartuutit katillugit |
295 |
278 |
260 |
228 |
499 |
581 |
382 |
|
Aalisarnermi nakkutilliisunut aningaasartuutit katillugit |
236 |
213 |
197 |
159 |
387 |
435 |
285 |
|
Sakkutuut imarsiortut aalisarnermi nakkutilliinerat 1) |
151 |
184 |
127 |
111 |
309 |
349 |
203 |
|
Sakkutuut imarsiortut aalisernermi nakkutilliineranni tapertaasunut tunngasut 2) |
31 |
12 |
12 |
13 |
12 |
18 |
11 |
|
Timmisartoq atorlugu aalisernermi nakkutilliineq 3) |
10 |
12 |
11 |
12 |
66 |
68 |
71 |
|
Timmisarto atorlugu aalisarnermi nakkutilliinermi tapertaasunut tunngasut 4) |
44 |
5 |
47 |
23 |
0 |
0 |
0 |
|
Kalaallit Nunaanni Sakkutooqarfik 5) |
41 |
44 |
42 |
47 |
80 |
104 |
81 |
|
Sirius il.il. |
12 |
15 |
17 |
17 |
22 |
27 |
11 |
|
Mittarfeqarfiit |
6 |
6 |
4 |
4 |
10 |
15 |
5 |
Najoqqutaq: Illersornissamut Ministereqarfik
Malugiuk: Kisitsisit 2013-meersut tamakkiisumik aningaasarsiaqartitsinermi aningasaartartuutinullu allanut naatsorsugaapput, taakkunanilu pineqarput pingaarnertut suliassaqarfinni naammassisat soorlu nakkutilliinermut tunngasut, oqartussaassuseqarnermik illersuineq, aalisarnermi nakkutilliineq aammalu ujaarinninnermut annaassiniarnermullu tunngasut. Taakkununnga ilaapputtaaq sakkutooqarfinni kiffartuussinerit, nunap qaavani sikunik misissuinerit, avatangiisinut nakkutilliinermi peqataaneq aammalu mingutsitsinermik akiuiniarneq imarsiornermilu uuttortaaneq.
Kistsisit 2007-imersut aningaasartuutinut tamanut naatsorsugaapput Kalaallit Nunaannut attuumassuteqartunik oqartussat ingerlatsineq pillugu kisitsisit pingaarutillit tunngavigalugit naatsorsorneqarsimallutik. Tapersersuilluni ingerlataqarneq immikkoortillugu naatsorsorneqartarunnaarpoq, tamanna sulianut ingerlatsinertut akilerneqartarmat ingerlatsinermilu aningaasartuutitut ilaatinneqarluni. Qimussimik Alapernaarsiusoqatigiit Sirius aamma Station Nord Grønlands Kommandop aaqqissuussaaneranut ilaapput. Atortunik soorlu umiarsuarnik timmisartunillu nalikilliliineq aserfallatsaaliinerlu ukiut ingerlanerini annertuumik nikingatitsilersinnaasarput, assersuutigalugu umiarsuarnik nakkutilliissutinik iluarsaassinerit aserfallatsaaliinerillu ukiut akornanni aningaasat millionit marlunnik kisitsisitaqarlutik nikerarsinnaapput
Nassuiaatit:
1) Tassaniipput umiarsuarnut toqqaannartumik toqqaannanngitsumillu aningaasartuutit tassani ilaapput nalikilliliinerit aserfallatsaaliinerillu. 2) Tassaniipput Frederikshavnimi 1. Eskadremi Pisortamut Umiarsuarmioqatigiinnullu toqqaannnartumik toqqaannanngitsumillu aningaasartuutit. 3) Tassaniipput timmisartunut atuinermut naleqqiullugu toqqaannartumik toqqaannanngitsumillu aningaasartuutit aamma Ålborgemi Air Transport Wing-imi tapersersuisarneq. 4) 2007-imiit nassuiaat 3-mi ilaatinneqartut. 5) Tassaniipput Grønlands Kommandomik ingerlatsinermi tassungalu atatillugu ingerlataqarnermi aningaasartuutit tamarmik Sirius aamma Station Nord ilanngunnagit.
Illersornissamut tunngasut uani takukkit: http://www2.forsvaret.dk/