Pisarineqartartut
Piniarnermik inuussutissarsiutillit sunngiffimmilu piniartartut namminneerlutik pisarisimasatik, 1993-mi aallartittumik Aalisarnermut, Piniarnermut Nunalerinermullu Naalakkersuisoqarfimmut nalunaarutigisalerpaat. Pinisarisimasat tamarmik “ukiumoortumik immersugassami” immersuilluni nalunaarutigineqartussaapput, immersugassaq “Piniarneq” piniarnermut allagattaq ilanngullugu nassiunneqartarpoq. www.sullissivik.gl atorlugu nammineerluni aamma immersuisoqarsinnaavoq.
Pisarineqartut pillugit paasissutissat ukiumoortumik immersuiffissanit pisuupput, taakkulu piniartunit ataasiakkaanit immersorneqartarput. Piniarnermut allagartaq nutaaq tunniunneqartinnagu piumasaqaataavoq piniartup ukiumoortumik immersuiffik piniartup Aalisarnermut, Piniarnermut Nunalerinermullu Pisortaqarfimmut allakkatigut imaluunniit nittartakkakkut immersuinikkut nassiussimassagaa. Tabel 10-mi takuneqarsinnaavoq 2015-imi allagartanik pigisaqartut 88 procentii ukiumoortumik immersuiffik nassiussimagaat. Nannunik, tikaagulliusaanik, arfivinnik, qipoqqanik, tikaagullinnik, aarrinik, tuttunik umimmannillu pisaqartoqarsimatillugu akuersissummik pigisaqartoq immersuiffissamik immikkut ittumik immersuisussaavoq.
Puisi tassaavoq pisarikkajunnerpaaneqartoq. 2014-mi puisit 131.535-it pisarineqarput. Puisit pisarineqartut amerlanersaat natsiullutillu aataarsuupput. 2014-imi natsiit 64.513-it aataarsuillu 63.811-it pisarineqarsimapput, takuuk tabel 11.
Titartagaq 8.1. Arfernit mikinernit pisat
Malugiuk: Arfernut mikinernut pisassiissutigineqarsimanngitsunut kisitsisit 2015-imieersut kisitsisaagallarput. Tunumi pisarineqarsimasut ilanngunneqartarneri pissutigalugu qilalukkat qaqortat aamma qilalukkat qernertat pisarineqarsimasut amerlassusaat pisassarititat amerlassusaannut assersuunneqarsinnaanngillat. 2001-imiit 2005-imut Piniarneq-mi nalunaarsukkaneersuupput kisitsisit 2006-imiit 2014-imut pisanik immikkut nalunaarsukkaneersuullutik.
Najoqqutaq: Aalisarnermut Piniarnermut Nunalerinermullu Naalakkersuisoqarfik
Niisat pisarineqartartut amerlassusaat ukiunit qulini kingullerni taamaaginnangajassimapput. Qilalukkat qernertat qaqortallu pisarineqartut ikileriarsimapput, pisassiissuteqartalerneq malitsigalugu, ukiut piniarfiusut marluk akornanni nuussisalernerit pissutaallutik aamma ilisimatusariaatsit modelillu malinneqartut nutarterneri malillugit pisassanut aalajangersimasunut qilalukkanik qaqortanik aamma qilalukkanik qernertanik pisassiissutit amerliartulaarput. . Tabel 11-mi takuneqarsinnaapput uumasut assigiinngitsut ukiuni kingullerni arfinilinni pisarineqartut.
Nannut pisarineqartut amerlassusaat 2003 tikillugu amerleriarsimapput ikiut arfineq pingasut kingulliit pisarineqartartut taamaaginnaarput, takuuk tabel 11. 2006-miit nannunik piniarneq killilersugaalerpoq. Nannut amerlanersaat Avannaani Tunullu avannaani pisarineqartarput, takuuk tabel 12.