Efterskolertarneq
Kalaallit atuartut efterskolernissamut atatillugu namminersorlutik oqartussanut tapiiffigineqarnissaminnut qinnuteqarsinnaapput.
Tapiissutit efterskolimut akiliutigineqartarput. Danmarkimi efterskolertut aamma naalagaaffimmiit kommuniniillu tapiiffigineqartarput. Kalaallit Nunaat Danmarkillu akornanni angalanernut aningaasartuutit namminersorlutik oqartussat akilertarpaat.
2015/2016-imi efterskolernerit
Ukiumi atuarfiusumi 2013/14-imi efterskolernerit aallartinneqartut 465-iullutik amerlanerpaagallarput. Ukiuni atuarfiusuni tulliini marlunni kinguariartoqarsimavoq, ukiumilu atuarfiusumi 2015/16-imi efterskolernerit aallartinneqartut 425-upput.
Efterskolernerit naammassineqartut amerlanersaat 362-iullutik ukiumi atuarfiusumi 2012/13-iminngaanneerput. Efterskolernerillu unitsinneqartut 2013/14-imi 122-ullutik amerlanerpaapput, ukiumilu atuarfiusumi 2014/15-imi ingerlatsisut 384-iullutik amerlanerpaallutik.
Tabel 5.1. Efterskolernerit, ukioq atuarfiusoq malillugu
|
2009/10 |
2010/11 |
2011/12 |
2012/13 |
2013/14 |
2014/15 |
2015/16 |
Aallartinneqartut .... |
68 |
370 |
416 |
439 |
465 |
443 |
425 |
Ingerlatsisut ....... |
68 |
327 |
349 |
362 |
379 |
384 |
356 |
Unitsinneqartut ..... |
- |
43 |
67 |
77 |
122 |
107 |
107 |
Naammassineqartut.. |
68 |
327 |
349 |
362 |
345 |
342 |
318 |
Najoqqutaq: Naatsorsueqqissaartarfik – Kisitsisaataasivimmi kisitsisit takukkit (http://bank.stat.gl/UDDESA , http://bank.stat.gl/UDDESB , http://bank.stat.gl/UDDESC aammalu http://bank.stat.gl/UDDESD).
Efterskolerlutik aallartittut ukiumi 16-inik ukioqalerfimmi efterskolernernik aallartitsisartut agguaqatigiissitsinermi annertunerpaavoq. Ataani takutinneqarpoq ukiut agguaanneri, atuarfiup sumiiffia aammalu ukioq atuarfiusoq malillugit.
Titartagaq 5.1. Efterskolernerit aallartinneqartut, ukiut, efterskolip sumiiffia aammalu ukioq atuarfiusoq malillugit
Nalunaarut: Ukiumi kisitsiviusumi ukiup naalernerani ukiorisat malillugit naatsorsorneqarput.
Najoqqutaq: Naatsorsueqqissaartarfik - Kisitsisaataasivimmi kisitsisit takukkit (http://bank.stat.gl/UDDESA)
Kalaallit efterskolini atuartut efterskolernernik aallartitsisimasut amerlanersaat ukiumi aallartitsiffiusumi 16-inik imaluunniit 17-inik ukioqalersimasarput. Ukiuni atuarfiusuni 2013/14-imi aammalu 2014/15-imi 16-inik aamma 17-inik ukiullit efterskolernernik aallartitsisuni ukiunilu atuarfiusuni tamani 99 pct.-inik annertussuseqarsimapput. 16-inik ukiullit agguaqatigiissinnerat ukiup kisitsiviusup naalernerani ukiut atuarfiusut kingulliit tallimat ingerlanerini 71 pct.-it aammalu 83 pct.-it akornanniissimapput. 17-inik ukiullit efterskolernernik aallartitsisut agguaqatigiissinnerat 27 pct.-iulluni imaluunniit aallartitsisut 43-ullutik ukiumi atuarfiusumi 2015/16-imi annertunerpaavoq.
Qallunaat efterskoliini ukiut allat agguaqatigiissinnerat annertuneruvoq, ukiumilu atuarfiusumi 2015/16-imi agguaqatigiissinnerat 17 pct.-iulluni imaluunniit efterskolernerit 45-ullutik. Ukiup kisitsiviusup naalernerani pineqartut amerlanersaat 16-it inorlugit ukioqarput. 16-inillu ukiullit agguaqatigiissinnerat annertunerpaaq 76 pct.-iulluni imaluunniit efterskolernerit 215-iullutik ukiumi atuarfiusumi 2012/13-iminngaanneerpoq, 17-inillu ukiullit agguaqatigiissinnerat annertunerpaaq 18 pct.-iulluni imaluunniit efterskolernerit 55-iullutik ukiumi atuarfiusumi 2013/14-iminngaanneerluni.
Ataani takuneqarsinnaavoq ukiuni atuarfiusuni kingullerni tallimani efterskolernerit naammassineqartut suiaassutsinut agguaanneri, kalaallit efterskolii aammalu qallunaat efterskolii malillugit.
Titartagaq 5.2. Efterskolernerit naammassineqartut, suiaassuseq, efterskolip sumiiffia aammalu ukioq atuarfiusoq malillugit
Najoqqutaq: Naatsorsueqqissaartarfik- Kisitsisaataasivimmi kisitsisit takukkit (http://bank.stat.gl/UDDESD)
Nukappiaqqat ukiumi atuarfiusumi 2013/14-imi qallunaat efterskoliini naammassinnissimasut 145-ullutik amerlanerpaapput 2012/13-imi niviarsiaqqat ukiuni atuarfiusuni amerlanerpaajugamik 119-iusimapput. Kalaallit efterskoliini ukiumi atuarfiusumi nukappiaqqat 59-iullutik ukiumi atuarfiusumi 2014/15-imi amerlanerpaasimapput, niviarsiaqqalli 2011/12-imi 63-iullutik amerlanerpaasimallutik. Qallunaat efterskoliini ukiumi atuarfiusumi 2014/15-imi nukappiaqqat agguaqatigiissillugu 61 pct.-iullutik annertunerpaasimapput, kalaallillu efterskoliini niviarsiaqqat ukiumi atuarfiusumi 2011/12-imi 55 pct.-iullutik annertunerpaasimallutik.
Naammassinnittarnermut procenti ukiuni kingullerni tallimani 74 pct.-it aammalu 84 pct.-it akornanniissimavoq. Ataani takuneqarsinnaavoq naammassinnittarnermut procentip agguaannera, suiaassuseq aammalu ukioq atuarfiusoq malillugit.
Titartagaq 5.3. Efterskolernerit naammassineqartut agguaqatigiissinnerat, suiaassuseq aammalu ukioq atuarfiusoq malillugit
Najoqqutaq: Naatsorsueqqissaartarfik - Kisitsisaataasivimmi kisitsisit takukkit (http://bank.stat.gl/UDNESA aammalu http://bank.stat.gl/UDNESD).
Suiaassutsinut tamanut naammassinnittarnermut procenti ukiumi atuarfiusumi 2011/12-imi annertunerpaasimavoq, tassani nukappiaqqat 85 pct.-ii imaluunniit 171-it aammalu niviarsiaqqat 83 pct.-ii imaluunniit 178-it efterskolernernik naammassisaqarsimapput.
Nukappiaqqanut naammassinnittarnermut procenti annikinnerpaaq ukiumi atuarfiusumi 2015/16-iminngaanneerpoq, tassani 78 pct.-ii imaluunniit 163-it efterskolernernik naammassinnissimapput. Niviarsiaqqanut agguaqatigiissillugu annikinnerpaaq ukiumi atuarfiusumi 2013/14-iminngaanneerpoq, tassani 68 pct.-ii imaluunniit 145-t efterskolernernik naammassinnissimallutik.