Kommunit nalunaarsuiffiannit tigusat
Utaqqiisaagallartumik isertitanut taarsiissutaasumik ikiorsiissutinut tunngasut paasissutissat kommunit nalunaarsuiffiannit Winformatik-imik taaneqartumit tigusaapput. Nalunaarsuutit Kommunit akuerisaannik KIMIK IT A/S-imit tiguneqarput. Isumaginninnermut naatsorsuutit allattorsimaffiat aammalu quleqequttani nassuiarneqartuni nalunaarsuutit tunngaviusut Datatilsynet-imit akuerisaapput.
Inuit amerlassusaannik killiliineq
Naatsorsuutini pineqartut tassaapput Naatsorsueqqissaartarfiup inunnik allattorsimaffiani inuit ukiup naanerani Kalaallit Nunaanni kommunini najugaqartutut allattorsimasut. Inuit allattorsimaffianni sumiiffimmi najugaqartutut allaqqasoq tassani najugaqartutut naatsorsuussaavoq, inuillu allattorsimaffianni sumiiffimmi najugaqartutut naatsorsorneqarsimaneq kommunit naatsorsuuserisarfianni allami najugaqartutut allaqqasinnaalluni.
Utaqqiisaagallartumik isertitanut taarsiissutaasunik ikiorsiissutinik pisartut ikiorsiissutaasartut annertussusaat ikiorsiissutillu tiguneqartut amerlassusaat malillugit killilerneqarput. Ikiorserneqartoq ukiup ingelanerani 500 kr.-it ataallugit pisortanit ikiorsiissutinik pisartagalik naatsorsuutinut ilaanngilaq. Suliffeqanngikkallarnermi aammalu ernereernermi allanillu ullormusialinnut 1.000 kr. killigitinneqarpoq. Taamatut killiliinermi malittarisassanut allannguinerup kinguneri naatsorsuutinut ilaannginnissaat isumannaarniarneqarpoq.
Kisitat inerneri aammalu ataatsimut kisitat inerneri
Tabelit ilaanni ikiorsiissutinut pisartut amerlassusaannut kisitsisit inerneri nuna tamakkerlugu ikiorserneqartartut amerlassusaattut inerneqanngillat, tamannalu ikiorsiissutinik pisartut akileraarutaasussat saniatigut aamma akileraarutaasussaanngitsunik pisortanit ikiorserneqartarnerannik pissuteqarsinnaavoq. Naatsorsuutinilu ikiorserneqartartut ikiorsiissutit suunerini pineqartuni assigiinngitsuni tamarmik naatsorsuutinut ilaapput, nunali tamakkerlugu naatsorsuutinut inummik ataatsimik naleqarlutik ikiorsiissutinik pisartutut naatsorsorneqarlutik.
Pisortanit ikiorsiissutit, akileraarusigassaanngitsut: Utertitsinissamut pisussaatitaaneq
Ikiorserneqartartunut naatsorsuutit aammalu pisortat ikiorsiissutaasa akileraarutaasussaanngitsut amerlassusaannik taasatut naatsorsuutit, pisortat ikiorsiissutaanik taarserneqartussanik ilaqanngillat; kommunit assigiinngitsunik pineqartut pillugit nalunaarsueriaaseqartarmata.
Ukiut
Ukiut ukiumi pineqartumi decembarip naanerani ukiorisanut naatsorsorneqarput.
Kisitsisitigut paasissutissanit allanit assigiinngissut
Naatsorsueqqissaartarfik ukiuni arlalinni ’’Isumaginninnermut ikiorsiissutinik pisartut 20xx”-imik taallugu saqqummersitsisarpoq. Kisitsisitigulli paasissutissani ikiorsiissutinik pisartut ikiorsiissutit amerlassusaat ukiullu naanerani najugarisaq apeqqutaatinnagit ilaatinneqartarput. Ataani tabel 1-imi aammalu tabel 2-mi takuneqarsinnaapput naatsorsuutit qangarnitsat nutaallu assigiinngissutaat.
Tabel 1-imi takuneqarsinnaapput utaqqiisaagallartumik isertitanut taarsiissutaasunik ikiorsiissutinik pisartut amerlassusaannut piffissami 2009-mit 2014-imut naatsorsueriaatsit qangarnitsat nutaallu assigiinngissutaat. Piffissami pineqartumi pisortanit ikiorsernerneqartartut amerlassusaanni assigiinngissut 7,8 aammalu 9,8 procentit akornanniippoq. Piffissamilu ikiorsiissutaasartut amerlassusaanni agguaqatigiissinnerat 2,4 aammalu 3,8 procentit tabel 2 malillugu akornanniilluni.
Suliffeqanngikkallarnermi ikiorsiissutinik ikiorserneqartartut amerlassusaannut allannguutit piffissami 2009-mit 2014-imut 5,6 aammalu 8,3 procentit akornanniipput, ikiorsiissutillu amerlassusaannut 1,5 aammalu 2,9 procentit akornanniilluni.
2013-ip missaanit ernereernermi allanillu ullormusiallit nikingassutaat 1,8 aamma 3,8 procentit akornanniippoq. 2013-imilu ernereernermi ullormusiallit amerlassusaanni nikingassut 21,1 procentimiilluni. Ullormusiallit amerlassusaat ukiumi pineqartumi nikingassutaat 2,1 procentiinnarmiippoq ukiunilu 2012-imi 2014-imilu nikingassutit qaffasissusaannut naleqqiunneqarsinnaalluni.
Tabel 1. Naatsorsuutit qangarnitsat nutaallu sanilliunnerat, tapiissutinik pisartut amerlassusaat malillugit
|
2009 |
2010 |
2011 |
2012 |
2013 |
2014 |
|
Naatsorsuutit qangarnitsat |
|||||
Pisortanit ikiorsiissutit, katillugit........ |
7.748 |
8.302 |
8.596 |
8.653 |
8.686 |
8.606 |
Suliffeqanngikkallarnermi ikiorsiissutit, katillugit |
3.777 |
3.521 |
3.632 |
3.374 |
3.317 |
3.254 |
Enereernermi ullormusiat, allallu.......... |
1.126 |
1.155 |
1.079 |
1.023 |
1.308 |
1.030 |
|
Naatsorsuutit nutaat |
|||||
Pisortanit ikiorsiissutit, katillugit........ |
7.052 |
7.491 |
7.838 |
7.980 |
8.008 |
7.889 |
Suliffeqanngikkallarnermi ikiorsiissutit, katillugit |
3.465 |
3.234 |
3.406 |
3.163 |
3.094 |
3.073 |
Enereernermi ullormusiat, allallu.......... |
1.106 |
1.127 |
1.048 |
992 |
1.032 |
991 |
|
Allannguut procentinngorlugu |
|||||
Pisortanit ikiorsiissutit, katillugit........ |
-9,0 |
-9,8 |
-8,8 |
-7,8 |
-7,8 |
-8,3 |
Suliffeqanngikkallarnermi ikiorsiissutit, katillugit |
-8,3 |
-8,2 |
-6,2 |
-6,3 |
-6,7 |
-5,6 |
Enereernermi ullormusiat, allallu.......... |
-1,8 |
-2,4 |
-2,9 |
-3,0 |
-21,1 |
-3,8 |
Tabel 2. Naatsorsuutit qangarnitsat nutaallu sanilliunnerat, ikiorsiissutigineqartut amerlassusaat malillugit (1.000 kr.)
|
2009 |
2010 |
2011 |
2012 |
2013 |
2014 |
|
Naatsorsuutit qangarnitsat |
|||||
Pisortanit ikiorsiissutit, katillugit........ |
106.915 |
120.656 |
131.543 |
143.939 |
156.199 |
166.837 |
Suliffeqanngikkallarnermi ikiorsiissutit, katillugit |
42.351 |
39.804 |
46.741 |
41.999 |
40.496 |
42.667 |
Enereernermi ullormusiat, allallu.......... |
34.623 |
34.471 |
33.649 |
31.740 |
32.276 |
33.238 |
|
Naatsorsuutit nutaat |
|||||
Pisortanit ikiorsiissutit, katillugit........ |
104.317 |
116.096 |
128.345 |
139.793 |
151.777 |
162.366 |
Suliffeqanngikkallarnermi ikiorsiissutit, katillugit |
41.227 |
38.665 |
45.872 |
41.185 |
39.713 |
42.012 |
Enereernermi ullormusiat, allallu.......... |
34.349 |
34.175 |
33.232 |
30.889 |
31.575 |
32.453 |
|
Allannguut procentinngorlugu |
|||||
Pisortanit ikiorsiissutit, katillugit........ |
-2,4 |
-3,8 |
-2,4 |
-2,9 |
-2,8 |
-2,7 |
Suliffeqanngikkallarnermi ikiorsiissutit, katillugit |
-2,7 |
-2,9 |
-1,9 |
-1,9 |
-1,9 |
-1,5 |
Enereernermi ullormusiat, allallu.......... |
-0,8 |
-0,9 |
-1,2 |
-2,7 |
-2,2 |
-2,4 |
Kommunit najugaqarfiillu
1. januaari 2009 aallarnerfigalugu kommunit 18-it sisamanngortinneqarput. Uani saqqummersitami kommunit immikkoorneri qangarnitsat atorneqarput immikkoortortaqarfinnik taaneqarlutik. Immikkoortortaqarfinnik taasani illoqarfik pingaarneq nunaqarfiilu ilanngullugit aammalu savaateqarfiit naatsorsuussaapput. Ataani takuneqarsinnaapput kommunit immikkoortortaqarfiillu pineqartut immikkoortiterneri.
Takussutissaq 7.
Kommunit najugaqarfiillu
Kommuni |
Kommune |
Kommuneqarfik |
Qeqqata |
Qaasuitsup Kommunia |
Immikkoortortaqarfik |
Nanortalik Qaqortoq Narsaq |
Ivittuut Paamiut Nuuk Tasiilaq Ittoqqortoormiit |
Maniitsoq Sisimiut |
Kangaatsiaq Aasiaat Qasigiannguit Ilulissat Qeqertarsuaq Uummannaq Upernavik Qaanaaq |