Misissukkat amerlassusaannik killiliineq
Kisitsisini paasissutissani matumani pineqartut tassaapput Naatsorsueqqissaartarfiup inunnik nalunaarsuiffiani inuit ukiup naanerani Kalaallit Nunaanni kommunini najugaqartutut allattorsimasut. Inuit nalunaarsuiffianni sumiiffimmi najugaqartutut allaqqasoq tassani najugaqartutut naatsorsuussaavoq, inuillu allattorsimaffianni sumiiffimmi najugaqartutut naatsorsorneqarsimaneq kommunit naatsorsuuserisarfianni allami najugaqartutut allaqqasinnaalluni.
Meeqqanut tapiissutinik pisartut annertussusaat tapiissutillu tiguneqartut amerlassusaat malillugit killilerneqarput. Inuk qaammat decembari ingerlanerani meeqqanut tapiissutinik 239 kr.-nit minnerusunik pisimappat (2013-imi qaammammut meeqqanut tapiissutitut ikiorsiissutit minnerpaat), naatsorsuutini ilaatinneqanngilaq.
Ukiut
Ukiumi pineqartumi decembarip naanerani ukiorisat malillugit naatsorsorneqarput.
Meeqqat amerlassusaat
Meeqqat amerlassusaat ukiumi pineqartumi decembarip naanerani naatsorsorneqarput. Kisitsineq kommunit naatsorsuuserisarfiinit tigusanit meeqqanut tapiissutit tunniunneqartut ataasiakkaat, meeqqat inuttut normuinut atassuteqartut malillugit pivoq.
Kommunit naatsorsuuseriviini kukkunerit
Ilisimatitsissutigineqarpoq kommunit naatsorsuuseriviisa allattorsimaffii kukkuneqarsinnaammata.