Periaaseq

Saqqummersitaq nalunaarsuutinit tunngaviusunit najoqqutanillu taaneqartunit pingasunik suliarineqarpoq:

 

·       Ilinniartut Ilinniagaqarnersiuteqartitsivimmit (USF) ilinniakkamik naammassisimasutut nalunaarsukkanit

·       Danmark Statistikimi Qallunaat Nunaanni ilinniakkanik naammassisimasutut nalunaarsuivimmit ’HFFU’-mik taaneqartumit aaneqartunit

·       2010 tikillugu nalunaarsuutit Naatsorsueqqissaartarfimminngaanneersut USF avaqqullugu Kalaallit Nunaanni ilinniarfinninngaanneersunit ‘Non-USF’-imik taaneqartumit aaneqartunit.

 

Innuttaasut 17-it sinnerlugit ukiullit Naatsorsueqqissaartarfimmit ilinniarsimanermut paasissutissaateqarfigineqanngitsut meeqqat atuarfianni 10.klassimik naammassinnissimasutut naatsorsuussaapput.

Ilinniarfit 1980-ikkunninngaanneersut siusinnersukkulluunniit pisimasut ilaat ilinniartitaanermi kisitsisitigut paasissutissanut ilaanngillat, soraarummeersimanermut allagartartaarnermullu paasissutissaqannginnera tassunga peqqutaapput.

 

Naatsorsueqqissaartarfiup ilinniartitaanermut kisitsisitigut paasissutissanut nalunaarsuutinik atuineranut nalilersueriaatsinullu atorneqartunut annertunerusumik misissuisoqarsinnaavoq nittartakkami: www.stat.gl Ilinniartitaanerup ataani. Suliaq nutaajunerpaat Innuttaasut Ilinniarsimassusaannut tunngasoq tooruk aammalu Periaaseq iserfingalugu. Nassuiaat “Metode til HUF’s data.pdf”-imik ateqarpoq.

 

ISCED2011

Ullumikkut Kalaallit Nunaanni UNESCO-minngaanniit ISCED2011-mik taaneqartup malittarisassiai malillugit ilinniarfiit nalunaarsorneqartarput. Tamannalu ineriartortitamik suleqatigiinneq Naatsorsueqqissaartafiup Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfik suleqatigalugu piviusunngortippaa.

 

Taaguutit

Naatsorsueqqissaartarfik ilinniartitaanermi taaguutinik saqqummiinikuuvoq, taaguutit ilinniarfiit sorliit ilinniarfimmi pineqartumiinnersut imaluunniit ISCED-imi sumi immikkoortortamiinnersut aammalu Kalaallit Nunaanni ilinniarfiit imaluunniit ISCED-imi sumi inissisimanersut ajornaatsumik nassaarineqarsinnaanngortippai.

Taaguutit Excel-regnearkimi allassimasut nittartakkami www.stat.gl Ilinniartitaanerup ataani nassaassaapput. Saqqummersitaq kingullerpaaq tooruk Periaaserlu iserfingalugu. Regneark-i “Nomenklatur med ISCED2011 FEB2015.Wlsx” – imik ateqarpoq.

Taaguutit allassimaffiat aamma immikkoortiterinermi tulleriaarinernik imaqarpoq.