Siunertaq

Kisitsisini paasissutissani matumani siunertaavoq ilisimatusarluni bacheloritut naammassisimasut qanoq amerlatigisut ukiut 1-10 ingerlanerini kandidatinngorniarnermut ingerlaqqittarnerisa naammassinnittarnerisalu kisinneqarnissaat.

 

Nalunaarsuutit tunngaviusut

Piffissami 2003-miit ullumikkumut ilinniakkanik aallartitsisunut, ilinniakkanik ingerlatsisunut ilinniakkanillu naammassinnissimasunut nalunaarsuisarfiit tunngavigalugit kisitsisitigut paasissutissat suliarineqarput.

Kisitsisini ilisimatusarluni bacheloritut ilinniakkat pineqarput, taamaattumillu professionsbacheloritut naammassinermiit ilinniaqqinnerit nalunaarsuutini tunngaviusuni ilanngunneqanngillat.

 

Periaaseq

Ilisimatusarluni bachelorinngorniarnermik naammassinnissimasut ukioq naammassiffigisimasaannit ukiut 1-10 qaangiunnerini ilinniakkamik aallartitsisimasut, naammassinnissimasut sulilu ingerlatsisut nalunaarsuisarfiini ataatsimut ingerlanneqarput.

 

Ukiut tamaasa ukiumi pineqartumi ilinniartut suli ilinniakkamik ingerlatsisutut imaluunniit ukiut kingulliit ilaanni ilinniakkamik naammassinnissimasutut killiffilerneqartarput. Ilinniartut suli ilinniakkamik ingerlatsisutut imaluunniit naammassinnissimasutut nalunaarsorneqarsimanngitsut ”unitsitsisimasutut” killiffilerneqarput. Ilinniarnertuunngoreernerup kingorna ilinniakkamik aallartitsisimanngitsut ”aallartitsisimanngitsutut” killiffilerneqarput.

 

Killiffiliinermut piffissaq

Ilinniarnertuunngorniarnermik naammassinnereernermi ukiut qaangiuttut amerlassusaannut atorneqarpoq, ilinniakkap killiffia 31. decembarimi naatsorsorlugu.

 

Ilinniakkap qaffasissusaa

Ilinniakkat qaffasissusaat International Standard Classification of Education 2011-meersoq malillugu immikkoortiterneqarput. Naatsorsueqqissaartarfiup ilinniartitaanerup iluani taaguutit pillugit saqqummersinnikuusaani ilinniakkami pineqartumi imaluunniit ISCED-i malillugu immikkoortiterinermi ilinniakkat suut pineqarnersut takuneqarsinnaapput. Taassuma saniatigut Naatsorsueqqissaartarfik Kalaallit Nunaanni ilinniakkat, ilinniakkap qaffasissusaa malillugu, immikkoortiternerat takussutissiaraa. Taaguutit takussutissiarlu www.stat.gl –imi Ilinniartitaanermut tunngasut ataanni nassaarineqarsinnaavoq. Saqqummersitami kingullerpaami Periaatsimut immikkoortoq takuuk.

 

Ilinniakkap killiffia

Ukiup kisitsiviusup naanerani ilinniartup ilinniarnermi killiffianut atorneqarpoq. Ilinniakkap killiffiani naatsorsuutit atorneqartut tassaapput:

 

·            suli ingerlatsineq

·            naammassinnissimaneq

·            unitsitsisimaneq

·            aallartitsisimannginneq

 

Naatsorsuineq

Ilisimatusarluni becahelorinngorniarnermiit kandidatinngorniarnermut

ingerlaqqittut kisitsisitigut paasissutissaat bachelorinngorniarnermik naammassinninnermiit ukiut 1-10 qaangiunnerini suli ingerlatsisut, naammassinnissimasut, unitsitsisimasut imaluunniit aallartitsisimanngitsut amerlassusaattut naatsorsorneqarput.

 

Kisitsisit suiaassuseq malillugu naatsorsorneqarput.

 

Killiliinerit erseqqissagassallu

”Unitsitsinermut” killiffimmi ilinniakkamik unitsitsigallartut ilaapput.

 

Kisitsisini paasissutissani ilisimatusarluni bachelorinngorniarnermik naammassinnissimasut, kiisalu ilinniarnerup ingerlanerani Kalaallit Nunaanni ilinniagaqarnersiuteqartitsivimmiit ilinniagaqarnersiuteqarsimasut aamma/imaluunniit immikkut tapiissuteqarfigineqarsimasut pineqarput. Bachelorinngoreernerullu kingorna tamanna avaqqallugu ilinniaqqissimasut “aallartitsisimanngitsutut” killiffilerneqarput.