Kalaallit Nunaannik ilisarititsineq naatsunnguaq

”Kalaallit Nunaanni kisitsisit” Naatsorsueqqissaartarfimmit neqeroorutaavoq kisitsisitigut paasissutissanik imalik atuaruminartoq. Quppersagaaraq takornarissanut nunaniluunniit allani attaveqarfinnut nunatsinni inuiaqatigiinni pissutsit pillugit ilisarititsinermut tulluarsagaavoq.

Atuagassiaq 36-nik qupperneqarpoq innuttaasunut, silap pissusaanut, aningaasaqanermut allarpassuarnullu tunngasunik imalik. Saqqummersitaq quppernermi uani aaneqarsinnaavoq imaluunniit Naatsorsueqqissaartarfimmut saaffiginninnikkut akeqanngitsumik pissarsiarineqarsinnaalluni.