Aallaqqaasiut

Kisitsisigut paasissutissani uani sulisorineqarsinnaasut aamma suliffissaaleqisut agguaqatigiissillugu qaammammut ineriartornerat ersersinneqarpoq. Pisinnaasaq tamaat malillugu FN-ip suleqatigiissitaata The International Labour Organisationip (ILO) innersuussutai tunngavigalugit suliarineqarpoq. Kisitsisitigut paasissutissat Naatsorsueqqissaartarfiup qaammatikkaartumik saqqummiuttagaannut suliffissarsiortutut nalunaarsukkanut taputartuunneqassanngillat.

Saqqummersitaq pingasunik immikkoortortaqarpoq, taakku ataatsimut imaluunniit immikkoortillugit atuarneqarsinnaapput. Kapitali 1-imi suliffissaaleqineq ersersinneqarpoq. Kapitali 2-mi sulisorineqarsinnaasut allaaserineqarput, kapitali 3-milu kisitsisitigut paasissutissanut najoqqutat, suliarineqarnerini periaatsit il.il. allaaserineqarlutik.

Sulisorineqarsinnaasut aamma suliffissaaleqineq pillugu 2010-miit 2019-imut paasissutissat sukumiisut Naatsorsueqqissaartarfiup kisitsisaataasiviani bank.stat.gl-imi pissarsiarineqarsinnaapput. Kapitali 1-imi aamma 2-mi titartakkat aamma takussutissiat kisitsisitaat tamarmik Naatsorsueqqissaartarfiup kisitsisaataasivianit pissarsiaapput. Kisitsisit atorneqartut, titartakkat takussutissiallu ataanni, sumit pissarsiarineqarsimaneri allassimapput.

Saqqummersitami uani iluarsaassinerit aamma allannguinerit …

Saqqummersitami uani siuliani saqqummersinneqarsimasumiittunik iluarsaassisoqanngilaq. 2017-imi januaarip aallaqqaataani 66-inik ukiullit utoqqalinersiaqartalerput siusinnerusukkut 65-inik ukiullit utoqqalinersiaqalersartut. Tamanna pissutaalluni saqqummersitami uani 2010-miit 2016-imut sulisorineqarsinnaasut aamma suliffissaaleqisut 18-iniit 64-inut ukioqarput. 2017-imi kisitsisiniit 18-it 65-illu akornanni ukiullit Kalaallit Nunaanni najugaqavissut pineqartut. 2016-imit 2017-imut kisitsisit nikeriarput kisinneqartut allannguuteqarneri pissutaalluni.