Aallaqqaasiut
Kisitsisitigut
paasissutissani matumani sulisinnaasut aamma suliffissaaleqisut
agguaqatigiissillugu qaammammut ineriartornerat ersersinneqarpoq. Sapinngisamik
FN-ip suleqatigiissitaata The International Labour Organisationip (ILO)
innersuussutai tunngavigalugit suliarineqarput. Kisitsisitigut paasissutissat
Naatsorsueqqissaartarfiup qaammatikkaartumik saqqummiuttagaannut
suliffissarsiortutut nalunaarsukkanut taputartuunneqassanngillat.
Saqqummersitaq
pingasunik immikkoortoqarpoq, ataatsimut imaluunniit immmikkut
atuarneqarsinnaasunik. Immikkoortut siullianni suliffissaaleqineq
sammineqarpoq. Immikkoortut aappaanni sulisinnaasut saqqummiunneqarlutik
kiisalu immikkoortut pingajuanni kisitsisitigut paasissutissanut najoqqutarineqartut,
naatsorsuinermi periaaseq il.il. nassuiarneqarlutik.
Naatsorsueqqissaartarfiup
Kisitsisaataasiviani nittartakkami bank.stat.gl-imi piffissami 2010-miit
2020-mut sulisinnaasut suliffissaaleqinerlu pillugit annertunerusumik
paasissutissat nassaarineqarsinnaapput. Immikkoortumi siullermi aappaanilu
titartakkat takussutissiallu tamarmik Kisitsisaataasivimmit aasanit
sananeqarput. Kisitsisaataasivimmi inissisimaffiinut innersuussutit titartakkat
takussutissiallu ataanni najoqqutanut nassuiaatini takuneqarsinnaapput.
Saqqummersitami
matumani iluarsaassinerit allannguutillu
Saqqummersinneqartumit
kinngullermit matumani saqqummiussani iluarsaassisoqanngilaq. 2017-imi
januaarip aallaqqaataani utoqqalinermi soraarnerussutisiaqalersinnaanissamut
ukiorititat 65-iniit 66-inut qaffanneqarput. Allannguineq saqqummersitami
matumani ukiut tulleriiaarnerinut sunniuteqarpoq, ukiuni 2010-miit 2016-imut
sulisinnaasunut suliffissaaleqisunullu naatsorsuutini innuttaasut
najugaqavissut 18-iniit 64-inut ukiullit naatsorsorneqarsimammata. 2017-i
aallarnerfigalungu innuttaasut najugaqavissut 18-iniit 65-inut ukiullit
kisitsisitigut paasissutissiarineqartalerput. Taamaattumik 2016-imiit 2017-imut
nalunaarsuutit amingaateqarput.
Nassuiaatit:
Suliffeqarneq: Agguaqatigiissillugu qaammammut suliffillit amerlassusaat.
Suliffissaaleqineq:
Agguaqatigiissillugu qaammammut suliffissaaleqisut amerlassusaat.
Suliffissaaleqineq
procentinngorlugu: Sulisinnaasut akornanni suliffissaaleqineq.
Sulisinnaasut:
Innuttaasut najugaqavissut inuussutissarsiorfiusinnaasunik ukiullit.
Ukiut
inuussutissarsiorfiusinnaasut: 18-64-inik ukiullit (2010-2016) aamma 18-65-inik
ukiullit (2017-2020).
Sulisinnaasunut
ilaanngitsut: Innuttaasut najugaqavissut inuussutissarsiorfiusinnaasunik
ukiullit suliffilittut suliffissaaleqisutullu nalunaarsorsimanngitsut.