Nalinginnaamik
Tunisat amerlassusaat ataatsimut isigalugu 2016-imi 2015-imut naleqqiullugu 18 pct.-imik amerleriarput. Tunisat nalingi piffissami tassani 24 pct.-inik aamma amerleriarput.
Qalerallit
2016-imi qalerallit tunisat ukiup siulianut naleqqiullugu 22 pct.-ingajammik amerleriarput. Tunisat nalingi 34 pct.-inik piffissami tassani qaffariarput.
Nipisaat
Nipisaat tunisat 2016-imi ukiup siulianut naleqqiullugu 29 pct.-ingajammik appariarput. Tunisat nalingi ukiup taamaalineranut sanilliullugu 27 pct.-inik appariarlutik. 4.985 tons nipisaat assigaat suaat 744 tonsit missaat, tassa suanniit nipisannut uuttuut 6,7-iutinneqartarami.
Saarulliit
Saarulliit tunisat 2015-imi 33.585 tonsiusimasut 2016-imi 40.090 tonsinut amerleriarput. Amerleriaat 19 pct.-iulluni. Tunisat nalingi 15 pct.-inik piffissami tassani qaffariarput.
Kinguppaat
2015-imi kinguppaat tunisat 33.788 tonsiniit 2016-imi 42.604 tonsinut amerleriarput. Amerleriaat 26 procentiulluni. Tunisat nalingi piffissami tassani 20 procentip missaani qaffariarput.
Saattuat
Saattuanik tunisineq 2015-imi 1.857 tonsiniit 2016-imi 1.900 tonsinut qaffariarpoq. Qaffariaat 2 pct.-ip missigaa. Piffissami tassani tunisat nalingi 20 pct.-ip missaani qaffariarput.