Nalinginnaasumik
Tunisat amerlassusaat ataatsimut isigalugu 2018-imi 2017-imut naleqqiullugu 2 pct.-mik ikileriarput. Tunisat nalingi piffissami tassani 11 pct.-inik qaffariarput.
Qalerallit
2018-imi qalerallit tunisat ukiup siulianut naleqqiullugu 13 pct.-inik amerleriarput. Tunisat piffissami tassani nalingi 16 pct.-inik qaffariarput.
Nipisaat
Nipisaat tunisat 2018-imi ukiup siulianut naleqqiullugu 9 pct.-inik ikileriarput. Tunisat nalingi ukiup taamaalineranut sanilliullugu 23 pct.-inik qaffariarput. 6.726 tonsit nipisaat assigaat suaat 1.004 tonsit missaat, tassa suanniit nipisannut uuttuut 6,7-utinneqartarami.
Saarulliit
Saarulliit tunisat 2017-imi 36.071 tonsiusimasut 2018-imi 27.397 tonsinut ikileriarput. Ikileriaat 24 pct.-iulluni. Tunisat nalingi 15 pct.-inik piffissami tassani appariarput.
Kinguppaat
2017-imi kinguppaat tunisat 42.572 tonsiniit 2018-imi 45.249 tonsinut amerleriarput. Amerleriaat 6 procentiulluni. Tunisat nalingi piffissami tassani 11 pct.-inik qaffariarput.
Saattuat
Saattuanik tunisineq 2017-imi 2.210 tonsiniit 2018-imi 2.646 tonsinut qaffariarpoq. Amerleriaat 20 pct.-iulluni. Piffissami tassani tunisat nalingi 46 pct.-inik qaffariarput.
Kalaallit Nunaata imartaani
Avataasiorluni Kalaallit Nunaata eqqaani nammineq tunisassiuutigalugu aalisarnermi pisat 2018-imi 2017-imut naleqqiullugit 10 pct.-inik amerleriarput. Pisat nalingi piffissami tassani 6 pct.-inik qaffariarput.
Imartat allat
Imartani allani aalisarnermi 2018-imi pisat ukiup siulianut naleqqiullugu ikileriarput. Pisat ikileriarnerinut pissutaanerpaatut taaneqarsinnaapput ammassaat kinguppaallu pisat 2018-imi ikileriarsimaneri. Pisat amerlassusaat nalingilu 2018-imi 20 pct.-inik ikileriarput.
Aalisariutinut tunngasut tunisallu nalingi
Aalisariutit qassiuneri kommuninut agguarlugit tabelini takuneqarsinnaapput (tabeli 12 aamma 13), tassani angallatit aalisariutit, umiatsiat, qimussit aammalu qamuteralaat, minnerpaamik ataatsimik aalisarsinnaanermut akuersissummik pigisaqartut minnerpaamillu ataasiarlutik 2018-imi pisanik tunisaqarsimasut kisinneqarsimapput. Angallatit aalisariutit angissutsinut, sananeqaatsinut, aalisariaatsinut kommuninullu agguataarsimapput.
Tabeli 13-imi angallatit 2018-imi pisoqaassusaat takutinniarneqarpoq.
Tabeli 14-imi tunisat decilinut aggorlugit takutinneqarput.
Tabeli 15-imi angallatinut aalisariutit angissuseqatigiit pingasunut umiatsianullu tunisat nalingi, qaleralinnut aalisakkanullu tamanut takutinniarneqarput.