Periaaseq
Naatsorsuutini
pineqarput Kalaallit Nunaanni inunngorsimasut Danmarkimi najugallit, Danmarks
Statistikillu inuup-normuinut nalunaarsuisarfiani nalunaarsorneqarsimasut.
Suliaq Forskingsservice-mi Danmarks Statistikimiittumi ingerlanneqarpoq
Danmarks Statistikillu nalunaarsu
Atassusiineq
Atassusiinermi
angajoqqaat inunngorfii malillugit immikkoortiterisoqarpoq. Angajoqqaat
inunngorfiini Kalaallit Nunaanni inunngorsimaneq, Kalaallit Nunaata avataani
inunngorsimaneq kiisalu paasissutissaqanngitsut allaqqasut malillugit
naatsorsorneqarput. Kalaallit Nunaanni inunnik nalunaarsuisarfik 1972-imi
atuutsinneqalerpoq. Taamaattumik angajoqqaat kalaallit 1972 sioqqullugu
toqusimasut inunngorfii paasissutissaqanngitsutut nalunaarsorsimasinnaapput.
Tamanna 50-it sinnerlugit ukiullit amerlanersaasa atassuserneqarnerat
”angajoqqaat inunngorfiisa paasissutissaqannginnerannik” kinguneqarpoq.
Taakkunanngali amerlasuut Kalaallit Nunaanni inunngorsimasunik angajoqqaaqartut
naatsorsuutigineqarsinnaavoq. Atassusiineq pitsaanerutinniarlugu angajoqqaat
inunngorfinnik paasissutissaqanngitsut Naatsorsueqqissaartarfiup Kalaallit Nunaannut
Kalaallit Nunaanniillu nuuttartut nalunaarsuutaannut, angajoqqaat inunngorfiisa
paasissutissaannik imaqartunut, ataatsimut ingerlatinneqarput.
Piffissaq
Danmarkimi najugaqarfik
Danmarkimut
nuunnermit aatsaat ukiup ataatsip qaangiunnerani Danmarks Statistikip inunnik
nalunaarsuisarfiani allassimasoqalertarpoq. Danmarks Statistikip inunnik
nalunaarsuisarfiani nalunaarsugaasimanermi siullermi ukiumi ataatsimi
Danmarkimi najugaqarsimasutut naatsorsorneqarpoq. Tassanngaanniillu ukiut
Danmarkimi najugaqarfiusimasut ataatsimut kisinneqarput.
Malunnaarsaarneq
Kisitsisaataasivimmi tabelini malunnaarsaarneq eqqarsaatigalugu paasissutissat ilai ”..”-nik nalunaaqutserneqarput. Taakkuli kisitsisit katinnerini ilaapput. Ilaatigullu kisitsisit katinnerini aamma malunnaarsaartoqarpoq.