Siulequt
Kalaallit Nunaanni Naatsorsueqqissaartarfiup 2022-mut ukiumoortumik nalunaarusiaa saqqummiunneqarpoq. Naatsorsueqqissaartarfiup suliassai tassunga ilanngullugit suliffeqarfiup inatsisitigut tunngavigisai aqutsinermilu pissutsit nalunaarusiami allaaserineqarput. Tamatuma saniatigut Naatsorsueqqissaartarfimmi 2022-mi kisitsisitigut paasissutissat suliarineqartut kiisalu suliffeqarfiup aningaasaqarnera, sulisullu pillugit takussutissat nalunaarusiap imarai.
Ukiumoortumik nalunaarusiamut atatillugu ingerlatsinermi pilersaarut siulersuisut akuerisimasaat ukiumut ataasiarluni nutarterlugu saqqummersinneqartarpoq.
2022-p aallartinnerani sulisut arlallit suliunnaarnerat sulianut sunniuteqarput. Taamaattumik 2022-mi ukiuni kingullerni saqqummersinneqartut amerliartorsimanerat allanngortinnagu, saqqummersinneqartartut ineriartortinneqarnissaat aamma amerlisinneqarnissaat annikinnerusumik pineqarput. 2022-mi aningaasaqarnermut modelsystemip Naatsorsueqqissaartarfimmit suliarineqarsinnaalernissaanut sulisut atorneqarput. Modelsystem atorlugu aningaasaqarnermut politikkip atorneqarnissaanut piukkunnassusaa naatsorsorneqarsinnaavoq.
Ukiut qulit kingulliit ingerlanerini kisitsisitigut paasissutissat saqqummersinneqartartut amerleriarujussuarput.
Saqqummersinneqartartut nutarterneqarneri saqqummersinneqartartullu pitsaassusiisa qaffatsinneqarnerisa kingunerisaannik sulilertussanik piukkunnartunik pissarsiniarnerup ajornannginnerulernissaanik kinguneqassaaq.
Vøgg Løwe Nielsen
Siulersuisunut siulittaasoq