Siulequt
Saqqummersitaq manna aqqutigalugu nuna tamakkerlugu piffissanut assigiinngitsunut naatsorsuutit tunisassiornermut tunngassuteqartut Naatsorsueqqissaartarfiup qulissaanik saqqummersippai. Kalaallit Nunaanni piffissami 2003-2019-imi aningaasarsiornikkut ineriartornerata allaaserineqarnissaa massakkut periarfissaalerpoq.
Saqqummersitaq manna ukiunut 2010-2017-imut kisitsisinik itisilikkanik aamma ukiunut 2018-imut 2019-imullu kisitsisaagallartunik itisilikkanik imaqarpoq.
Atuinissanut, aningaasaliinissanut avammullu nioqquteqarnissanut inaarutaasumik atuinissaq tikillugu nioqqutissiornerit nioqqutissanillu eqqussuinerit aqqutigalugit nioqqutigineqartunut kiffartuussinernullu pissarsisinnaanerit takutinnerisigut Kalaallit Nunaata aningaasaqarnera nuna tamakkerlugu naatsorsuutitigut tamakkiisumik takutinneqarpoq.
Nuna tamakkerlugu naatsorsuutit FN-ip nunanut tamalaanut najoqqutassaanik aallaaveqarput, tamannalu aqqutigalugu kalaallit aningaasaqarnerat nunanut allanut assersuunneqarsinnaalerpoq.
Saqqummersitaq tabelinik pingaarnersiuiffiusunik arlalinnik imaqarpoq. Nuna tamakkerlugu naatsorsuutinut kisitsisitigut atortussat tamakkiisut Naatsorsueqqissaartarfiup kisitsisaataasiviani www.stat.gl-imi nassaassaapput.
2021-mi 2018-imut kisitsisit inaarutaasut aamma 2019-imut 2020-mullu kisitsisaagallartut suliarineqassapput. Tamatuma saniatigut nuna tamakkerlugu naatsorsuutit saqqummersitamik 2017-imut isertunut anisunullu tunngassutilimmik saqqummersitsinikkut ilaneqassapput.
Nuna tamakkerlugu naatsorsuutit Danmarks Statistik-imi nuna tamakkerlugu naatsorsuutinut immikkoortoqarfiup qanimut suleqatigineratigut Naatsorsueqqissaartarfimmiit suliarineqarput.
Naatsorsueqqissaartarfik, novembari 2020
Anders Blaabjerg
Naatsorsueqqissaartarfimmi pisortaq