NUNALERINEQ
Nunalerineq inuiaqatigiit aningaasaqarnerannut annikitsuinnarmik peqataavoq. Inuussutissarsiummi sammineqarput savaateqarneq, tuttuuteqarneq naatitsiveqarnerlu. Tunisassiat amerlanersaat nunatsinni tunineqartarput, avammullu tuniniaaneq annikitsuinnaalluni 2006-imilu avammut tunisinerup tamarmiusup 0,1 pct.-eriinnarlugu. Savaaqqat tuttullu neqaat avammut tunineqarnerpaasarput.
Nunalerinermi nuna atorneqartoq alliartuinnarpoq, takuuk Titartagaq 1 aamma Tabel 18.
Titartagaq 1
Narsaatip angissusia
Najoqqutaq: Nunalerinermik Siunnersorteqarfik
2010-mi uumasuutillit 49-iupput. Uumasuutillit angissusaat agguaqatigiissillugu 22 hektarit missaanniippoq. Tamanna Danmarkiminngarnit mikinerujussuuvoq, tappavanimi ingerlataq agguaqatigiissillugu 2010-mi 66 hektariuvoq. Uumasuutillit anginerpaat sisamaasut 10-20 hektarinik nunaateqarput. Taakkua ingerlatat 7 pct.-iinik pigisaqartuupput. Ingerlatat amerlanersaat 10-20 hektariupput. Taakkua ingerlatat tamarmiusut 39 pct.-iinik pigisaqarput. Ingerlataqartunit ikittuinnaat 5 hektarit ataallugu pigisaqarput, takuuk Titartagaq 2.
Titartagaq 2
2009-mi nunaateqarfiup angissusia naapertorlugu savaateqarfiit
Najoqqutaq: Nunalerinermik siunnersorteqarfik