Sulinerit pillugit kisitsisitigut paasissutissanut naatsunnguamik nassuiaat

Sulinerit pillugit kisitsisitigut paasissutissat marlunnut immikkoortinneqarsinnaapput. Suliffeqarfiit sulinerit pillugit allattuiffiat tunngavigalugu paasissutissat siulliit suliarineqartarput, taakkunani apeqqutaatinneqanngilaq sulisup sumi inunngorsimasuunnera, taamaattumillu sulisut tamarmik allattornikuusarlutik. Inuit sulisinnaasut allattorsimaffiat tunngavigalugu paasissutissat aappaat suliarineqartarput, paasissutissani taakkunani tamaallaat najugaqavissut ilanngunneqartarput. najugaqavissut tassaapput ukioq naatsorsuiffiusoq naallugu Kalaallit Nunaanni najugaqarsimasut. Allaaserisanit tulliuttuni paasissutissat pineqartut immikkoortillugit allaaserineqassapput.

Sulinerit pillugit paasissutissaliornermi sulisinnaasut pillugit paasissutissanik tamakkiisunik immikkuutitaarlugit misissuiffigineqanngitsunik peqarnissaq siunertat pingaarnersaraat. Paasissutissanut sulisitsisut taakkulu suliaqarfii tunngaviupput, paasissutissani taamaallaat sulisorineqartut amerlassusaasa naatsorsornerat pineqarput.

Kalaallit Nunaanni tunngaveqarluni suliffeqarneq pillugu paasissutissiat sulisitsisut, sumiineri paasissutissallu allat tunngavigalugit suliaapput. Paasissutissani taakkunani suliffeqarnermut paasissutissat itisilerlugit saqqummiunneqarput, inuit ukioqqortussusiinnut, suiaassusiinut, sumi nunaqarnerannut, kommuninut illoqarfinnullu sorlernut attaveqarnerannut paasissutissanik ilaqarlutik.