Peqqinnissaqarfik

Peqqinnermut Inuiaqatigiinni tamanut iluaqutissatut Atortulersuutinullu Naalakkersuisoqarfik, Peqqinnermut Atortulersuutinullu Naalakkersuisoq siuttoralugu, politikkikkut allaffissornikkullu peqqinnissaqarfiup qullersaqarfittut pisortaqarfigaa.

 

Peqqinnissaqarfiup sullissinera, inunnut kalaallit inuit allattorsimaffiani nalunaarsorsimasunut kommunillu killeqarfiisa iluanni najugalinnut, akeqanngilaq.

 

Nunap immikkoortuini Peqqinnissaqarfiit

Nunatsinni peqqinnissaqarfik nunap immikkoortuini 5-ni peqqissaaveqarfeqarpoq:

 

·         Qeqqa, Sisimiut aamma Maniitsoq

·         Disko, Aasiaat, Kangaatsiaq, Qeqertarsuaq aamma Qasigiannguit

·         Avannaata peqqinnissaqarfia, Uummannaq, Upernavik aamma Qaanaaq

·         Sermersuup peqqinnissaqarfia, Nuuk, Paamiut/Ivittuut, Tasiilaq aamma Illoqqortoormiut

·         Kujataata peqqinnissaqarfia, Qaqortoq, Nanortalik aamma Narsaq

 

Nittartakkami www.naalakkersuisut.gl –mi Peqqissutsimut Attaveqarnermullu Naalakkersuisoqarfik aamma Peqqissutsimut Pitsaaliuinermullu Aqutsisoqarfik pillugit atuartoqarsinnaavoq.

 

Titartagaq 1. Peqqinnissaqarfimmi napparsimasunik paarsisutut napparnaveersaartitsisutullu atorfiit.

Nassuiaatit: 1) Peqqissaasut: Chefsygeplejerske, forstander, viceforstander, afdelingssygeplejerske, hjemmesygeplejerske, sundhedsplejerske, assistent ataaseq, ernisussiornermi ikiorti, ernisussiortoq. peqqissaasut, peqqissaanermi ikiorti, ukiumoortumik pikkorissartut. 2) Sulisorineqartut ilinniarsimasut allat: Laborantit, tagiartuisartut il. il., Kiisalu teknikkip, sullissinerup ikiorteqartitsinerullu iluani aamma allaffissornikkut sulisut. 3) Ilinniarsimanngitsutut sulisut: tiimimusiallit, nakorsaatinut pisortaatitaasut.

Najoqqutaq: Peqqissutsimut Pitsaaliuinermullu Aqutsisoqarfik

 

peqqinnissaqarfimmi peqqissaasut meeraaqqerisullu sulisorisassat tabel 5-mi takuneqarsinnaapput.

 

Dronning Ingridip Napparsimavissua

Dronning Ingridip Napparsimavissua Kalaallit Nunaata napparsimavissuaraa. Dronning Ingridip napparsimavissua tallimanik immikkoortoqarpoq:

 

·         Nakorsaat atorlugu katsorsartittunut immikkoortoqarfik

·         Tarnikkut erloqissutilinnut immikkoortoqarfik

·         Ingerlatsinermut immikkoortoqarfik

·         Pilattaanikkut katsorsaavik

·         Nukinginnartoqarneratigut immikkoortoqarfik

 

Dronning Ingridip napparsimavissua pillugu annertunerusumik paasisaqarusukkuit una takuuk: www.peqqik.gl./da/Sundhedsreformen/DIH.aspx

 

Titartagaq 2. 2011-mi ullut uninngaviit agguaqatigiissillugit immikkoortortanut suiaassutinullu immikkoortitaarlugit.

Najoqqutaq: Peqqissutsimut Pitsaaliuinermullu Aqutsisoqarfik

 

Titartagaq 3. 2011-mi ullut uninggaviit agguaqatigiissillugit suiaassutinut immikkoortillugit

Najoqqutaq: Peqqissutsimut Pitsaaliuinermullu Aqutsisoqarfik

 

Kalaallit peqqissartut illuat

Brønshøjimi Kalaallit peqqissartut illuat napparsimasunut Danmarkimi suliaritinnissaminnut innersuunneqarsimasunut angerlassimaffiugallarfiuvoq. Peqqinnissaqarfiup danskit nappar-simmaviinnik atuinera, tabeli 8-mi takussutissigaavoq.

 

Kalaallit peqqissartut illuat pillugu paasisaqarnerorusukkuit nittartagaq una: www.peqqik.gl takujuk.

 

Titartagaq 4. Akornusersimasunik/napparsimasunik angallassinerit amerlassusaat.

Malugiuk: Namminersorlutik Oqartussat aningaasanut inatsisaannit kisitsisit tigusaapput.

Najoqqutaq: Namminersorlutik Oqartussat aamma Naatsorsueqqissaartarfik