Takornariaqarneq
Takornariartitsineq inuussutissarsiuterpassuarni kaaviiaartitsinermut suliassaqartitsinermullu sunniuteqartarpoq, soorlu timmisartukkut umiarsuakkullu assartuinermut angallassinermullu, hotelinut neriniartarfinnullu, takornariartitsinermi kiffartuussivinnut kiisalu niuernermut soorlu tammajuitsunik nioqquteqarnermut.
1960-ikkut aallartinnerannili takornariaqarneq annertusingaatsiareersimavoq inuussutissarsiutinullu siuliini taaneqartunut aningaasarsiornikkut pingaaruteqaleriartuinnarsimalluni.
Taamaattorli takornariartitsinermit tamarmiusumit inuiaqatigiinnut aningaasarsiornikkut pingaaruteqassusianik ersersitsisunik kisitsisit pigineqanngillat, immikkoortullu uuma allaaserineqarnera hotelini unnuisitsisarnernut kisitsisitigut paasissutissanik kiisalu ilaasunut Kalaallit Nunaannit aallartunut kisitsisitigut paasissutissanik tunngaveqarpoq.
Kalaallit Nunaanni takornariaqarneq
Kalaallit Nunaanni Naatsorsueqqissaartarfik piffissami 2014-imi juuli-septembari Visit Greenland suleqatigalugu timmisartunik ilaasut najugaqarfiisa paasissutissartaannik katersisimavoq tamannalu pivoq Kalaallit Nunaanni nunanut allanut mittarfeqarfiini arfiniliusuni, paasissutissat timmisartumi ilaasut aallariartornermi check in-ernerisigut katersorneqarnerisigut..
Ilaasut sumi najugaqartuunermik nalunaarsimasut 33,9 procentii Kalaallit Nunaanneersuupput, 32,5 procenti nunani allani Naalagaaffeqatigiinnerup (Savalimmiut Danmarkillu) iluani najugaqartut sinneruttullu ilaasut avataaneersut 33,5 procentii Naalagaaffeqatigiinnerup avataaneersuullutik.
Titartagaq 8.1. 2014-imi timmisartumik ilaasut Kalaallit Nunaannit aallartut
Najoqqutaq: Naatsorsueqqissaartarfik, bank.stat.gl{TUNFLY
Takornariat aasaanerani amerlanerpaasarput. Qaammatini takornariaqarnerpaaffiit tulliini takornariaqarneq appariartarpoq takornariaqannginnerpaaffiillu ukiuunerani pisarpoq tassani takornariat ikinnerpaasarlutik.
Kalaallit Nunaanni takornariaqarneq nunanit aaliagersimasunik ikittuninngaanneernerusarpoq, soorli takornariat amerlanerpaartaat Skandinaviaminngaanneersut pingaartumik Danmarkimiit sinnerilu Europap avannaaninngaanneernerukkajullutik.
Takornariaqarneq hotelini, sømandshjemmini allanilu unnuisartunut kisitsisitigut paasissutissat atorlugit ersersinneqarsinnaavoq. Titartagaq 8.2-mi takuneqarsinnaapput unnuinerit amerlassusaat kiisalu tikeraarnerup agguaqatigiisillungu sivisussusiat.
Tikeraat takornariallu unnuisartut sanilliunneqarsinnaanngillat. Takornariaq arlalinnik tikitaqarniarluni hotelinilu arlalinni unnuisarniarlunilu aalajangersimasoq arlaleriarlugu tikeraatut unnuisutut kisinneqartarmat.
Titartagaq 8.2. 2013-imi tikeraat unnuisut agguaqatigiissillugulu akunnittarfimmiinnerit sivisussusaat
Najoqqutaq: Naatsorsueqqissaartarfik, http://bank.stat.gl/tunhot
Titartagaq 8.3. 2010-mit 2013-imut kommunit unnuiffigineqarneri
Najoqqutaq: Naatsorsueqqissaartarfik, http://bank.stat.gl/tunhot
Kommunit unnuiffigineqartarneri titartagaq 8.3-mi takuneqarsinnaapput. 2013-imi unnuisarnerit nalunaarsorsimasut qaammatikkaartumik agguataarnerat titartagaq 8.4-mi takuneqarsinnaallutik.
Titartagaq 8.4. 2013-imi unnuinerit qaammatinut agguataarnerat
Najoqqutaq: Naatsorsueqqissaartarfik, http://bank.stat.gl/tunhot
Titartagaq 8.5. Unnuisut inuiaassusaat malillugu
Najoqqutaq: Naatsorsueqqissaartarfik, http://bank.stat.gl/tunhot
Kalaallit Nunaanni unnuisarfiit 59-it missaaniipput. Tassani pineqarput hotelit, sømandshjemmit, vandrehjemmit højskolillu. Tabel 11-mi takutinneqarput init attartorneqartut amerlassusiat kommuninut immikkoortillugit.
Kalaallit Nunaannut umiarsuit takornariartitsisut ukiuni kingullerni tikittartut amerleriarujussuarput, takuuk takussutissiaq 8.1.
2009-imi umiarsuit takornariartaatit nutaamik akitsuuteqalerput, taamaalilluni nutaamik akitsuusersuinikkut umiarsuarnut amerlanerusunut umiarsualivissinnissaq orniginarnerulerluni. Peqatigisaanillu umiarsuarmik takornariartut amerlassusii eqqoqqissaartut kisitsisaatigineqalerlutik.
Tikittartuni umiarsuit takornariartitsisut annerusut minnerusullu pineqarput.
Umiarsuarnut takornariartaatinut sanilliullugu Kalaallit Nunaata inissisimaffia Europap Amerikallu avannaata akornanni umiarsuit ingerlaarfigisartagaanni inissisimalluarpoq.
Taassuma saniatigut umiarsuit takornariartitsisartut arlaqartut aasaanerani aalajangersimakannertumik aalajangersimanngitsumillu ingerlaartarfillit kalaallit umiarsualivii arlallit tikittarpaat ilaasullu taarserartarput. Umiarsuit tamakku mikinerupput, sinerissami umiarsualiviit arlallit tikiffigisarlugit, taakkunanilu ilaasut paarlaattarlutik.
Umiarsuartigut takornariat takornariatulli hotelini unnuisartutut neriniartarfinnilu nerisaqartutut kaaviiaartitsinermik pilersitsineq ajorput. Umiarsuartigut takornariat Kalaallit Nunaanni aningaasartuutiginerusartagaat tassaapput angalatitsisunut akiliinerit tammajuitsunillu pisinerit. Umiarsuarnulli takornariartitsisut tikinneranni aaqqissuussat suli ineriartortinneqarput, taamaalillutik neqeroorutigineqartartut assigiinngiiaarnerujartorput.
Umiarsuarmik takornariartunut akitsuut ilaasumut ataatsimut 525 kr.-eqarpoq.
Takussutissiaq 8.1. Uminarsuarnik takornariartaatit tulanneri ilanngullugit
|
2006 |
2007 |
2008 |
2009 |
2010 |
2011 |
2012 |
2013 |
Umiarsuit takornarianik angallassisut |
33 |
37 |
42 |
32 |
43 |
34 |
33 |
28 |
Nunamut tulattut |
161 |
148 |
165 |
103 |
107 |
80 |
92 |
109 |
Tikeraat umiarsuarmi ilaasut |
22.051 |
23.506 |
28.891 |
26.976 |
30.271 |
29.826 |
23.399 |
21.496 |
Najoqqutaq: Naatsorsueqqissaartarfik