Innuttaasut Kalaallit Nunaanni najugaqavissut sulisarnerat
2013-imi suliaqarfiit arnanut angutinullu immikkoortillugit titartakkami 4.1-imi takutinneqarput, arnat angutillu pineqartut najugaqavissuupput. Arnat angutillu suliaqarfinnut assigiinngitsunut immikkoortitersimanerat titartakkani ersarissorujussuarmik takuneqarsinnaavoq. Arnat 60 procentii pisortat suliffeqarfiini suliffeqarput angutit taamaallaat 20 procentii pisortat suliffeqarfiini suliffeqartut. Suliffeqarfinni allani sulisartut angutit amerlanerussuteqaqaat, aalisarnermik, piniarnermik nunalerinermik aamma sanaartornermik suliaqartut angutit arnanut sanilliullugit amerlanerujussuupput, taakkunani arnat sulisartut ikittuararsuummata.
Titartagaq 4.1. 2013-imi angutit arnallu suliaqarfinnut immikkoortillugit
Najoqqutaq: Kisitsisaataasivik. http://bank.stat.gl/ARNBFB1
Kalaallit Nunaanni angutit arnanit amerlanerupput tamannalu pissutaalluni angutit amerlanerusut sulisarput, takussutissiami 4.1-imi tamanna ersersinneqarpoq. 30-niit 60-inut ukiullit akornanni arnat angutillu sulisartut amerlaqatigiiginnangajapput. 20-niit 30-nut ukiullit akornanni aamma 60-ileereersimasut akornanni sulisartut angutit amerlanerussuteqangaatsiarput. Illoqarfinni nunaqarfinnilu sulisartut immikkoortillugit takuneqarsinnaavoq illoqarfinni sulisartut nunaqarfimmiunut sanilliullugit amerlanerujussuusut.
Angutit arnanit agguaqatigiissillugu qaammammut aningaasarsiaqarnerungaatiarnerat takussutissiami takuneqarsinnaavoq, illoqarfimmiut nunaqarfimmiunut sanilliullugit qaammammut aningaasarsiaqqortunerungaatsiarnerat aamma takuneqarsinnaavoq.
Angutit agguaqatigiissillugu qaammammut 7.250 kr.-inik arnanit aningaasarsiaqarnerusimapput, illoqarfimmiut agguaqatigiissillugu qaammammut 5.000 kr.-iningajannik nunaqarfimmiunit aningaasarsiaqarnerusimapput. Naatsorsuinerli taamak ittoq isertitanik paasissutissiornermi iluamik atorneqarsinnaanngilaq, piffissaq suliffiusoq, suliat ilinniarsimanerlu tunuliaqutaralugit misissorneqarsimanngimmata.
Takussutissiaq 4.1. 2013-imi arnat angutillu illoqarfinni nunaqarfinnilu suliffii aningaasarsiaallu
Najoqqutaq: Kisitsisaataasivik. http://bank.stat.gl/ARNBFB1
Arnat angutillu kommunini 2013-imi sulisimanerat titartakkami 4.2-mi takuneqarsinnaavoq. Titartakkami takutinneqarput agguaqatigiissillugu qaammammut sulisimanerit (qasertumik takutinneqarpoq) aamma ukiumut inuit sulisimasut amerlassusaat (qasertumik aamma tungujortumik taartumik takuneqqarpoq). Tungujortumik taartumik qalipaatillit sulisinnaasutut suliffeqanngikkallartutut paasineqarsinnaapput. Sulisinnaasut amerlangaatsiarput tassa ukiumut sulisimasut 25 procenterimassuk kommunit tamarmik taamatut inissisimapput aamma sulisinnaasuni arnani angutinilu.
Titartagaq 4.2. 2013-imi arnat angutillu kommunini sulinerat
Najoqqutaq: Kisitsisaataasivik. http://bank.stat.gl/ARNBFB3
Innuttaasut Kalaallit Nunaanni nunaqavissut immikkoortortaqarfinnut kiisalu illoqarfinni nunaqarfinnilu sulinerit takussutissiami 4.2-mi takuneqarsinnaapput. Sumiiffiit ataasiakkaat eqqaassanngikkaani nalinginnaavoq inuit amerlanerusut najuaqarfigisaanni sulinerit amerlanerusarnerat.
Takussutissiaq 4.2. 2013-imi immikkoortortaqarfinni sulisut agguaqatigiisillugu qaammammut amerlassusaat
|
|
Tamakkerlugit |
Illoqarfinni |
Nunaqarfinni il.il. |
|
Nuna tamakkerlugu (immikkoortortaqarfiit avataaniittut ilanngullugit) |
25.461 |
22.297 |
3.164 |
|
Nanortalik |
665 |
500 |
165 |
|
Qaqortoq |
1.480 |
1.431 |
49 |
|
Narsaq |
734 |
598 |
136 |
|
Ivittuut |
11 |
0 |
11 |
|
Paamiut |
687 |
637 |
50 |
|
Nuuk |
8.847 |
8.717 |
130 |
|
Maniitsoq |
1.435 |
1.138 |
297 |
|
Sisimiut |
3.018 |
2.593 |
425 |
|
Kangaatsiaq |
411 |
210 |
201 |
|
Aasiaat |
1.347 |
1.285 |
62 |
|
Qasigiannguit |
589 |
562 |
27 |
|
Ilulissat |
2.268 |
2.092 |
176 |
|
Qeqertarsuaq |
382 |
370 |
12 |
|
Uummannaq |
1.050 |
592 |
458 |
|
Upernavik |
1.042 |
486 |
556 |
|
Qaanaaq |
243 |
204 |
39 |
|
Tasiilaq |
984 |
735 |
248 |
|
Illoqqortoormiut |
142 |
138 |
4 |
Najoqqutaq: Kisitsisaataasivik. http://bank.stat.gl/ARNBFB6
Titartakkami 4.3-mi takuneqarsinnaavoq 2013-imi sulisut ilinniagarisimasaat qaffasinnerpaaq. Immikkut maluginiagassaavoq akornanni annerpaamik meeqqat atuarfianni atuarsimasut amerlanerusut tassa sulisut akornanni 54,4 procentit meeqqat atuarfiannik annerpaamik ilinniarsimasuupput. Aammattaaq titartakkami takuneqarsinnaavoq sulisut sisamararterutaasa misserpiaat inuussutissarsiummik ilinniarsimasuusut, 15 procentillu miissat ilinniagaqaqqinnikuusimasut.
Titartagaq 4.3. 2013-imi sulisut ilinniarsimassusaat
Najoqqutaq: Kisitsisaataasivik. http://bank.stat.gl/ARNBFB6
Sulisut affaanit amerlanerusut qaffasinnerpaamik meeqqat atuarfianni atuarsimasut takussutissiami 4.3-mi takuneqarsinnaqavoq. Inuit qaffasinnerpaamik meeqqat atuarfianni atuarsimasut ikiliartorput, akerlianik assigiinngittunik ilinniarsimasut amerliartortut. Ilinniarsimassuseq apeqqutaalluni agguaqatigiissillugu aningaasarsiaat qaffariartortarnerat takussutissiami aamma takuneqarsinnaavoq. Assersuutigalugu inuit ilinniagaqaqqissimasut qaffasinnerpaamik meeqqat atuarfianni ilinniarsimasunut sanilliullugit marloriaatingajammik aningaasarsiaqartarput.