Aningaaseriveqarneq
Aningaaseriviit akilersuinerpassuarnut pisariitsumik akikitsumillu qulakkeerinneqataapput, assersuutigalugu nioqqutissanik kiffartuussinernillu pisinermut tunisaqarnermullu akisarsianillu akiliinernut atatillugu angerlarsimaffinnit suliffeqarfinnillu ulluinnarni ingerlanneqartartunik. Akiliinerit tamarmik ippinnaateqanngitsumik ingerlanneqarnissaat aningaaseriviit qulakkeertarpaat. Aningaaseriviit saniatigut Post Greenland (Tele Greenland A/S) sineriammi illoqarfinni amerlasuuni tunngaviusumik aningaasaqarnikkut aningaasaqarnikkullu kiffartuussisarpoq.
GrønlandsBANKEN A/S-i aamma Namminersorlutik Oqartussat isumaqatigiissutaat malillugu tunngaviusumik aningaasaqarnikkut ataqatigiimmik aaqqissuussineq BBB-system-imik taaneqartartoq GrønlandsBANKENip illoqarfinni nunaqarfinnilu ingerlappaa, saniatigullu aamma KNI A/S-i suleqatigalugu BBB-system-i illoqarfinni nunaqarfinnilu isorliunerusuni atuutsinneqarpoq.
Tele Greenland A/S aammalu KNI A/S pillugit paasisaqarnerorusukkuit nittartakkat www.telepost.gl aamma www.kni.gl alakkakkit.
GrønlandsBANKEN A/S aningaaserivinni kisiartaalluni tamakkiisumik Nuummi qullersaqarfeqarluni sullissisuuvoq, Sisimiuni, Ilulissani, Qaqortumi aammalu Maniitsumilu immikkoortortaqarluni. Titartagaq 2.1.-imi takuneqarsinnaapput aningaaserivimmi uninngasuutit taarsigassarsiallu agguaqatigiissillungu erniaat.
Titartagaq 2.1. GrønlandsBankimi aningaasat uninngasuutit taarsigassarsiallu agguaqatigiissillungu erniaat
Malugiuk: Kisitsisit taarsigassarsisitsinermi erniatigut isertitat taarsigassarsiat ataatsimut katinnerinik agguarlugit uninngasuutillu erniaasa ataatsimut katinnerinit agguagaapput.
Najoqqutaq: GrønlandsBANKEN A/S
Aningaaserivik pillugu paasissutissat takuneqarsinnaapput uani: www.banken.gl
Banknordik Tórshavnimi Savalimmiuniittumi qullersaqarfeqartoq nunani allani aningaaserivinni kisiartaalluni Kalaallit Nunaanni Nuummi immikkoortortaqarpoq. 2010-mi BankNordik SparBankip Kalaallit Nunaanni immikkoortortaqarfii nangillugit siulersulerpai.
Titartagaq 2.2.-mi takuneqarsinnaapput aningaaseriviup agguaqatigiissillungu uninngasuutinut taarsigassianullu erniarititai.
Titartagaq 2.2. BankNordik-imi aningaasat uninngasuutit taarsigassarsiallu agguaqatigiissillungu erniaat
Malugiuk: Kisitsisit taarsigassarsisitsinermi erniatigut isertitat taarsigassarsiat ataatsimut katinnerinik agguarlugit uninngasuutillu erniaasa ataatsimut katinnerinit agguagaapput.
Najoqqutaq: BankNordik
BankNordik pillugu paasisaqarnerorusukkuit nittartagaq www.Banknordik.gl alakkaruk.
Kalaallit Nunaanni aningaaserivinnik ingerlatsineq Finanstilsynemit nakkutigineqarpoq. Aningaaserivinnik ingerlatsinermi nakkutilliinerit takuneqarsinnaapput nittartakkami www.finanstilsynet.dk