Majoriaq

Illoqarfinni tamani Majoriaqarpoq suliffissanut ilinniarfissanullu siunnersuisarfiusunik aamma atuagarsornermik qaffassarfiusunik. Majoriami isumaginnittut aamma siunnersortit, inuttut piginnaasat pillugit aamma atuagarsornermi piginnaasat pillugit qanoq inissisimanermik paasinninnissamik ikiuisinnaapput taakkulu tunngavigalugit suliffigisinnaasamik imaluunniit ilinnialernissamik siunnersuisinnaallutik.

 

Majoriami Kalaallit Nunaanni Danmarkimilu ilinniarfinnut tunngasunik siunnersuisarput.

 

Majoriami ukuninnga pikkorissaasarput: Inuussutissarsiutinik Ilinniagaqarnissamut Piareersarneq akuerisaasoq (IIP), Meeqqat atuarfianni inaarutaasumik misilitsinnerit (FA), Piorsaaviit allanillu pikkorissaanerit.

 

Majoriami atuagarsornermik ilinniarniartut tigutittarput:

·         meeqqat atuarfianni karakterii apeqqutaallutik aamma

·         misissuisut ilinniarniarluni qinnuteqartup Majoriami ilinniakkamik ingerlatsisinnaanerannik naliliinerat.

Majoriami ilinniarniarlutik qinnuteqartut tigusaanngitsoortut arlaqartut atuagarsornikkut qaffassarneqarnissaat pisariaqanngilaq, taakku ilinniaqqinnissaanik innersuunneqartarput.