Periaaseq
Timmisartumik
angalasut pillugit kisitsisitigut paasissutissat ilaasut amerlassusaannik
taakkulu nunat najugaqarfii pillugit paasissutissanik imaqarput. Kalaallit
Nunaannit mittarfinnit nunanut allanut aallarfiusartunit angalasut qaammatikkaarlugit
kisitsisitigut paasissutissani saqqummersinneqartarput, mittarfiillu
aallarfigineqartartut tassaallutik: Kangerlussuaq, Nuuk, Kulusuk, Ilulissat,
Nerlerit Inaat aamma Narsarsuaq.
Ilaasartaatinik
aammalu attartukkanik, taxatut timmisartuussinerit kiisalu
inuussutissarsiornermut atatillugu imaluunniit immikkut attartorluni
inuinnarnik timmisartuussinerit kisimik ilanngunneqarput. Taamatullu
timmisartuussinerit nunat tamalaat akornanni mittarfinnut apuuttussat kisimik
aamma ilanngunneqarlutik.
Timmisartumik
angalasut pillugit nalunaarsuutit qaammatikkaartumik Mittarfeqarfinnit
pineqartarput. Saqqummiussinnginnermilu Naatsorsueqqissaartarfimmit
tamakkiisumik kukkunersiorneqartarlutik.
Timmisartumik
angalasut nunat najugaqarfii pillugit paasissutissat angalasut
aallariartorlutik nalunaarfiini Mittarfeqarfinniit ullormut
nalunaarusiarineqartarput.
Angalasut
amerlassusaat tamakkiisumik kisitsinernik tunngaveqarput, timmisartumulli
ilaasut nunat najugaqarfii nuna tamakkerlugu angalasut 90-95 pct.-iisa
misissuiffigineqarnerinit tunngaveqarput.
Ulloq
20.marsi 2020 Naalakkersuisut angalaqqusiunnaarput, tamannalu Kalaallit
Nunaannut kiisalu Kalaallit Nunaanniit angalanernut sunniuteqarpoq. Tamanna
15.juuni 2020-mi ilaannakortumik atorunnaarsinneqarpoq sapaatip akunneranullu
inuit 600-t avataanit tikissinnaalerput. 21.juuli 2020-mi avataanit
tikittussanut killilersuineq atorunnaarsinneqarpoq.
Ulloq
30.decembari 2020 angalanernut killilersuinerit Naalakkersuisunit
atuutsinneqaqqilerput Kalaallit Nunaannut avammullu angalanernut aamma
killiliisumik.
Saqqummersitsisarneq
Timmisartumik
angalasut kisitsisitigut paasissutissaat qaammatip pineqartup missiliorlugu
ulluni 30-nik qaangiussimalernerani saqqummersinneqartarput.
Saqqummertussap
tullia
Timmisartumik
angalasut kisitsisaat 30. novembari 2021-mi saqqummersinneqaqqissapput.