Timmisartumik angalasut pillugit kisitsisitigut paasissutissat ilaasut taakkulu nunat najugaqarfii pillugit paasissutissanik imaqarput. Kalaallit Nunaannit mittarfinnit nunanut allanut aallarfiusartunit angalasut qaammatikkaarlugit kisitsisitigut paasissutissani saqqummersinneqartarput, mittarfiit uku allarfigineqartarlutik: Kangerlussuaq, Nuuk, Kulusuk, Ilulissat, Nerlerit Inaat aamma Narsarsuaq.
Timmisartuussinerit taamaallaat ilaasartaatit aamma attartornermi timmisartornerit pineqarput, timmisartumik taxitut atuinerit, inuussutissarsiornermut tunngatillugu timmisartornerit imaluunniit timmisartumik ilaannerit. Nunanut allanut timmisartoqarfinnut timmisartornerit aamma ilanngunneqarput.
Paasissutissat qaammatikkaartumik timmisartunut ilaasut amerlassusaat Mittarfeqarfinnit pissarsiarineqartarput. Saqqummersitsinnginnermi naatsorsueqqissaartarfimmit paasissutissat misissoqqissaarneqartarput kukkunersiorlugit.
Timmisartumik angalasut nunat najugaqarfii, ullormut Mittarfeqarfimmut timmisartumik angalasussat aallalernerini,nalunaarutigineqartarput.
Timmisartumik angalasut amerlassusaat tamakkerlugit naatsorsorneqartarput, angalasulli tamarmik suminngaanneernertik paasissutissiissutigineq ajorpaat, ataani takuneqarsinnaavoq tabeli suminngaanneernerminnik paasissutissiisimanngittut annertussusaat
|
2019 |
2020 |
2021 |
2022 |
|
8,6 pct. |
28,2 pct. |
4,9 pct. |
13,2 pct. |
20. marts 2020 Naalakkersuisut Kalaalit Nunaannut aamma Kalaallit Nunaannut angalaqqusiunnaarallarput. Angalaqqusiunnaarneq juunip 15-iani ilaatigut unitsinneqarpoq, sapaatip akunneranut inuit 600-t amerlanerpaamik tikissinnaanngorlutik. Juulip 21-ani Kalaallit Nunaannut tikeqqusaannginneq atorunnaarsinneqarpoq.
Saqqummersitsisarneq
Qaammatikkaarlugit saqqummersitsisarnerit
Timmisartumik angalasut qaammatip naanneranit ullut 30-t missaasa qaangiunneranni kisitsisit paasissutissat saqqummiunneqartarput.
Saqqummersinneqartussap tullia
31. aggusti 2022 timmisartumik angalasut saqqummersinneqaqqissapput.