Periaaseq
Timmisartumik
angalasut pillugit kisitsisitigut paasissutissat ilaasut taakkulu nunat
najugaqarfii pillugit paasissutissanik imaqarput. Kalaallit Nunaannit mittarfinnit
nunanut allanut aallarfiusartunit angalasut qaammatikkaarlugit kisitsisitigut
paasissutissani saqqummersinneqartarput, mittarfiit uku allarfigineqartarlutik:
Kangerlussuaq, Nuuk, Kulusuk, Ilulissat, Nerlerit Inaat aamma Narsarsuaq.
Timmisartuussinerit
taamaallaat ilaasartaatit aamma attartornermi timmisartornerit pineqarput,
timmisartumik taxitut atuinerit,
inuussutissarsiornermut tunngatillugu timmisartornerit imaluunniit
timmisartumik ilaannerit. Nunanut allanut timmisartoqarfinnut timmisartornerit
aamma ilanngunneqarput.
Paasissutissat
qaammatikkaartumik timmisartunut ilaasut amerlassusaat Mittarfeqarfinnit
pissarsiarineqartarput. Saqqummersitsinnginnermi naatsorsueqqissaartarfimmit
paasissutissat misissoqqissaarneqartarput kukkunersiorlugit.
Timmisartumik
angalasut nunat najugaqarfii, ullormut Mittarfeqarfimmut timmisartumik
angalasussat aallalernerini,nalunaarutigineqartarput.
Timmisartumik
angalasut amerlassusaat tamakkerlugit naatsorsorneqartarput, angalasulli
tamarmik suminngaanneernertik paasissutissiissutigineq ajorpaat, ataani
takuneqarsinnaavoq tabeli suminngaanneernerminnik paasissutissiisimanngitsut
annertussusaat.
|
2019 |
2020 |
2021 |
2022 |
2023 |
|
10,2 pct. |
28,4 pct. |
6,4 pct. |
8,9 pct. |
31,6 pct. |
20. marsi 2020-mi
Naalakkersuisut Kalaallit Nunaannit aamma Kalaallit Nunaannut
angalaqqusiunnaarallarput. Angalaqqusiunnaarneq juunip 15-iani
tamakkiinngitsumik unitsinneqarpoq, sapaatip akunneranut inuit 600-t
amerlanerpaamik Kalaallit Nunaannut tikissinnaanngorlutik. Juulip 21-ani
avataanit Kalaallit Nunaannut angalaqqusinnginneq atorunnaarsinneqarpoq.
30.
decembari 2020-mi Naalakkersuisut angalanissamut killilersuinermik
atuutsitseqqilerput, tamannalu Kalaallit Nunaannut avataanullu angallannermut
annikinnerulersitsivoq.
Saqqummersitsisarneq
Qaammatikkaarlugit
saqqummersitsisarnerit
Timmisartumik
angalasut pillugit kisitsisitigut paasissutissat qaammatip naanneranit
missiliorlugu ullut 30-t qaangiunneranni saqqummersinneqartarput.
Saqqummersitsinissap
tullia
27. juuli
2023-mi timmisartumik angalasut saqqummersinneqassapput.