Periaaseq
Timmisartumik
angalasut pillugit kisitsisitigut paasissutissat ilaasut taakkulu nunat
najugaqarfii pillugit paasissutissanik imaqarput. Kalaallit Nunaannit
mittarfinnit nunanut allanut aallarfiusartunit angalasut qaammatikkaarlugit
kisitsisitigut paasissutissani saqqummersinneqartarput, mittarfiit uku
allarfigineqartarlutik: Kangerlussuaq, Nuuk, Kulusuk, Ilulissat, Nerlerit Inaat
aamma Narsarsuaq.
Timmisartuussinerit
taamaallaat ilaasartaatit aamma attartornermi timmisartornerit pineqarput,
timmisartumik taxitut atuinerit,
inuussutissarsiornermut tunngatillugu timmisartornerit imaluunniit
timmisartumik ilaannerit. Nunanut allanut timmisartoqarfinnut timmisartornerit
aamma ilanngunneqarput.
Paasissutissat
qaammatikkaartumik timmisartunut ilaasut amerlassusaat Mittarfeqarfinnit
pissarsiarineqartarput. Saqqummersitsinnginnermi naatsorsueqqissaartarfimmit
paasissutissat misissoqqissaarneqartarput kukkunersiorlugit. Piffissami 2023-mi
maajimiit aggustimut paasissutissat timmisartuusseqatigiinnit
naammaquserneqarput.
Timmisartumik
angalasut nunat najugaqarfii, ullormut Mittarfeqarfimmut timmisartumik
angalasussat aallalernerini,nalunaarutigineqartarput.
Timmisartumik
angalasut amerlassusaat tamakkerlugit naatsorsorneqartarput, angalasulli
tamarmik suminngaanneernertik paasissutissiissutigineq ajorpaat, ataani
takuneqarsinnaavoq tabeli suminngaanneernerminnik paasissutissiisimanngitsut
annertussusaat.
2019 |
2020 |
2021 |
2022 |
2023 |
6,2 pct. |
20,8 pct. |
7,5 pct. |
17,0 pct. |
26,2 pct. |
20. marsi
2020-mi Naalakkersuisut Kalaallit Nunaannit aamma Kalaallit Nunaannut
angallannermi killilersuinermik atuutsitsilerput. Angallannermi killilersuineq
juunip 15-iani tamakkiinngitsumik unitsinneqarpoq, sapaatip akunneranut inuit
600-t amerlanerpaamik Kalaallit Nunaannut tikissinnaanngorlugit. Juulip 21-ani
2020-mi avataanit Kalaallit Nunaannut angalaqqusinnginneq
atorunnaarsinneqarpoq.
30.
decembari 2020-mi Naalakkersuisut angallannermi killilersuinermik
atuutsitseqqilerput, tamannalu Kalaallit Nunaannut avataanullu angallannermut
annikinnerulersitsivoq.
Saqqummersitsisarneq
Timmisartumik
angalasut pillugit kisitsisitigut paasissutissat qaammatip naanneranit ullut 30-t
missaasa qaangiunnerini saqqummiunneqartarput.
Saqqummersinneqartussap
tullia
29.
februaari 2024-mi timmisartumik angalasut tulliani saqqummissapput.