Periaaseq

Saqqummersitaq najoqqutanit pingasunit nalunaarsuutit tunngavigalugit suliarineqarpoq:

 

·       Ilinniartut Ilinniagaqarnersiuteqartitsiviup (USF) ilinniakkanut naammassineqarsimasunut nalunaarsuiffianninngaanneersut

·       Qallunaat ilinniartitaanermi isumaginnittoqarfianit Danmark Statistikip ilinniakkanut naammassineqarsimasunut nalunaarsuiffianit – HFFU-p nalunaarsuiffiinik taaneqartumit

·       2010 tikillugu kalaallit ilinniarfiinit nalunaarsuutit, USF –imi suleriaaseq avaqqullugu Naatsorsueqqissaartarfimmit aaneqartut – ilinniarfinnit “Non-USF”-inik taaneqartunit

 

Innuttaasut 17-it sinnerlugit ukiullit tamarmik Naatsorsueqqissaartarfiup ilinniarsimanermut paasissutissaqartinngisai meeqqat atuarfianni 10. klassimik naammassinnissimasutut tunngaveqartumik naatsorsuunneqarput. Ilinniakkat 1980-ikkunneersut aammalu siusinnerusut ilaat ilunniartitaanermut kisitsisitigut paasissutissani ilaatinneqanngillat, inaarutaasumik misilitsinnernut, svenditut allagartanut il.il. paasissutissat amigaateqarmata.

 

Naatsorsueqqissaartarfiup ilinniartitaanermut kisitsisitigut paasissutissani nalunaarsuutinik atuineranut ersarinnerusumik nassuiaat, ilaatigut tatiginassutsimut nalilersuinermut suleriaatsinut tunngasut nittartakkatsinni www.stat.gl –imi nassaarineqarsinnaapput. Innuttaasut ilinniagaqarnerisa nalunaarsuutaannut saqqummersitaq nutaanerpaaq tooruk tamatumalu kingorna Periaaseq. Pineqartoq ”Metode til HFUsdata.pdf”-imik ateqarpoq.

 

ISCED2011

Nunarsuarmi sumiiffinni siullerpaat ilaanniilluni massakkut Kalaallit Nunaat UNESCO’p ISCED2011-mut malittarisassaa malillugu ilinniartitaanermut naatsorsuusiorsinnaalerpoq. Ineriartortitsinermut suleqatigiinnerup Naatsorsueqqissaartarfimmit aammalu Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfimmit peqataaffigineqartup tamanna pisinnaatippaa.

 

Uuttuutit taaguutaat

Naatsorsueqqissaartarfik ilinniartitaanermi uuttuutinut taaguutinik ilinniakkat suut ilinniarfinni pineqartuni imaluunniit ISCED2011-imi immikkoortitersimasuni takuneqarsinnaalersillugit saqqummersitsisimavoq.

Uuttuutit taaguutaat Excel-regnearkiuvoq aammalu www.stat.gl – imi Ilinniartitaanerup ataani nassaarineqarsinnaalluni. Saqqummersitaq kingullerpaaq tooruk kingornalu Periaaseq. Regnearki ” Nomenklatur med ISCED2011 FEB2015.Xlsx”- imik ateqarpoq.

 

Uuttuutit taaguutaat aamma immikkoortiterinerit tulleriiaarnerinik naleqquttunik imaqarpoq.