Siunertaq
Ilinniartitaanermut Aqutsisoqarfimmit Karakterdatabasemi tamanut ammasunngorlugu Meeqqat Atuarfianni inaarutaasumik misilitsinnermi karakteerit saqqummiunneqareernikuupput. Meeqqat atuarfianniit inaarutaasumik misilitsinnerni karateerit Kisitsisaataasivimmut tamanut saqqummiunneqarnissaanut siunertaavoq, nalunaarsuutit oqinnerusumik atoruminarnerusumillu tamanut ammasunngortinneqarnissaat.
Karakteerit kisitsisaataasivimmiilernerat pissutaalluni ajornannginnerusumik karakteerit ineriartorneranut aammalu karakteerinut assersuutigalugu atuarfimmiit atuarfimmut sanilliussisoqarsinnaalerpoq.
Nalunaarsuutit tunngaviusut
Meeqqat atuarfianiit inaarutaasumik misilitsinnerni karakteerii Ilinniartitaanermut Aqutsisoqarfiup karakterdatabase-aniit tiguneqarput, naatsorsuinermi atorneqarlutik.
Karakterdatabasep imarai meeqqat atuarfiani soraarumeertunit ukiumoortumik karakteerit, misilitsinnermilu karakteerit, kiisalu Majoriami, højskoleni imaluunniit nunatsinni efterskoleni marluusuni atuartut pikkorissarnikkut (qaffassarnikkut) misilitsinnermi karakteerii.
Databasemut ilaanngillat atuartut inaarutaasumik misilitsinnermut peqataanikuunngitsut. Tassanerullutik atuartut specialklassineersut, aammalu atuartut 10. klassemi Danmarkimi efterskoleriartut.
Atuarfitsialaap eqqunneqarneraniit atuartut siulliit soraarummeertut 2008-mi inaarutaasumik misilitsipput. Aaqqissuusseqqinnerup siornatigut karakteerit maannakkut karakteerinut sanilliunneqarsinnaanngillat, taamaammat Atuarfitsilammi atuartuniit karakteerit kisimik kisitsisit atorlugit paasissutissiornermut ilaapput.
Periaaseq
2008-mi paasissutissatut tunngavigineqartut (dataudtræk) meeqqat atuarfianni aaqqissussami siullermi atuarfitsialaallu aaqqissuunneqara tunngavigalugu soraarummeertut karakteeriinik imaqarpoq. Kisitsisitigulli paasissutissiornermi atuarfitsiaap aaqqissuunneqarnera malillugu atuartut ilanngunneqarput.
Karakteerit nalunaarsorsimaffiat tatiginartuuvoq(valideret), taammaammat inuup-normui atorsinnanngitsut peerneqartarput. Atuartut agguarneqartarput klassikkaarlugit Meeqqat atuarfianni atuartut aamma FA-mi atuartut. Kukkusumik klassini nalunaarsorsimappata iluarsineqassapput. Nalunaarsuutit marloriarlutik misissorneqartarput, taava inuup-normui ataasiakkaarlugit nalunaarsorniassammata ukunani; fagini tamani, misilitsinnerit suussusaani, klassini ukiunilu ataatsimik karakteerilerlugit. Misissuinermi paasisani atuartunut inaarutaasumik misilitsinermut napparsimaneq peqqutaalluni imaluunniit allanik peqquteqartumik takkussimanngitsut peerneqassapput, taava taamaallaat atuartut karakteerillit nalunaarsuusiap ilanngunneqassapput. Fagini nammineq qinerneqarsimasuni karakteerit (valgfag) aamma takornartat oqaasiisa pingajuanni karakteerit ilanngunneqassanngilat, taakkuummatami misissuinermi paasisani ikitsunnguit aamma kisitsisitigut paasissutsissiornermi sanilliussassaanngitsut.
Naatsorsuineq
Kisitsisitigut paasissutissiornermi inaarutaasumik misilitsinnermi karakteerit atorlugit agguuaqatigiisillugit kisinneqassaput nalilerneqassallutillu, kommunemi, atuarfimmi, klasseni aamma suiaassuseq ukiorlu malittaralugit. Karakteerit agguaqatigiisinneranni kommuninut qaffasissutsit karakteerit tulleriiaarnerat A-B, C-D, E, Fx-F atorlugit kisitisitigut paasissutissiortoqassaaq.
Kisitsisinik paasissutissiornermi misissuinermi paasissutissat sisamanit ikinneruppata saqqummiunneqartavianngilat.
Killiliineq paasissutissiornermilu ajornartorsiutit
Misilitsinerup agguaqatigiisinneranni imaluunniit karakteerit agguataarnerini atuarfiit qaffasissusaanut sanilliussinermi atuartut ikittuusinnaaneri eqqarsaatigineqassapput, kisitsisinik paasissutissiornermi ikittunik sammisaqarnermi annikittuinnarmik nikittoqarsimagaangat inernerinut sunniutaa annertusarpoq, taamaasilluni ukiumiit ukiumut nikinganeri annertusinnaasarlutik.