Siunertaq

Inuussutissarsiummik ilinniarfiit amerlanersaat aallartiffigineqarsinnaapput taamaallaat ilinniarnermi suliffimmik misiliiffissamik nassaarsimasunit. Taamaattumik inuussutissarsiummik ilinnialersut amerlassusaanut ilinniarluni suliffissat apeqqutaasorujussuupput. Ilinniartunut inissat pillugit kisitsisitigut paasissutissat inuussutissarsiornermik ilinniarfinnut kisitsisitigut paasissutissat saniatigut paasissutissiineruvoq. Kisitsisitigut paasissutissani suliffeqarfiit suliaqarfiini ilinniartut agguataarsimaneri aamma takuneqarsinnaavoq.

Datat tunngavigineqartut

Ilinniagaqarnersiuteqartitsivimmit ilinniartunut tapit tunngavigalugit kisitsisitigut paasissutissat suliarineqarput. Ilinniartumut ataatsimut qaammammut ataasiarluni suliffeqarfiit tapisisarput. Aningaasaqarnermut inatsimmut ilanngunneqartarput ilinniartunut tapisiat qanoq annertugitinissaat (takuuk konto pingaarneq 40.02.06, Ilinniarnermi tapiissutit meeqqanullu tapit) ilinniarfiit suuneri ukiullu ilinniarfiusut apeqqutaallutik tapit assigiinneq ajorput.

 

Periaaseq

Ilinniartunut tapisiat tunngavigalugit ilinniartunut inissat qaammatikkaarlugit naatsorsorneqartarput. Ukiup ingerlanerani kukkusumik ilinniartunut tapisisut aamma ilinniartunut tapisinngitsoortut ukiup tulliani marsimi iluarsineqartarput.

 

Kalaallit Nunaanni Inuussutissarsiummik Ingerlataqartunik Nalunaarsuiffik (IIN) atorlugu suliffeqarfiit sunik suliaqarfiinut immikkoortiterneqarput. Suliffeqarfiit suliaat pingaarnerit tunngavigalugit IIN-imi suliaqarfiinut immikkoortiterneqarsimapput. Suliffeqarfiit suliaqarfinnut immikkoortiterneri suliffeqarneq pillugu kisitsisitigut paasissutissani saqqummersitami maanna atorneqartut aamma atorneqarput. Paasisaqarnerorusukkuit periaaseq pillugu immikkoortortaq takuuk.

 

Ilinniarnermut atatillugu sulinermut atassuserniarlugu ilinniartunut tapisiat pillugit paasissutissat ilinniagaqarnersiuteqartitsivimmit paasissutissanut taputartuullugit suliarineqarput, 

 

Naatsorsuineq

Ilinniartut pilluigit naatsorsuutit qaammatikkaarlugit, suliarineqarput suliffeqarfiit suliaqarfiinut, ilinniarfinnut (ISCED fields of education 2013) aamma distriktinut (kommuniusimasunut) immikkoortillugit. Tabelit tamarmik suiaassutsinik aamma ukioqqortussutsinik immikkoortitsiviusinnaapput.

 

Ajoqutit aamma ilanngutinngitsuukkat

Kisitsisitigut paasissutissanut ilinniartut suliffeqarfii ilinniartumut tapisisartut taamaallaat ilanngunneqarput. Inuussutissarsiummik ilinniartut ilinniarnermi suliffigisaat kisimik ilinniartunut tapisisarput. Taamaattoqarnera pissutaalluni ilinniartut uku kisitsisitigut paasissutissanut ilaanngillat:

 

·         Ilinniartut inersimasut

·         Ilinniartut ilinniagaqarnermusisartut, ass. inulerinermik suliaqartut, ulluunerani neqeroorutini ikiortit aamma peqqissaannermik ikiortit

·         Ilinniartut ilinniarfimmi suliffimmik misiliisut

·         Ilinniaqqittut suliffimmik misiliisut, ass. Akademimik ilinniagallit