Ilinniarnertuunngorniarfiit

Ilinniarnertuut qanoq amerlatigisut ingerlariaqqiffiusumik ilinniakkanut ingerlaqqittartut ilinniarnertuutut naammassiffigisimasaat malillugit assigiinngitsorujussuupput. 2015-imi Sisimiuni Ilinniarnertuunngorniarfimmi ilinniarnertuunngorsimasut 45 procentii ukiut marluk ingerlanerini ingerlariaqqiffiusumik ilinniakkamut ingerlaqqissimapput, Qaqortumilu Ilinniarnertuunngorniarfimmi naammassisimasunut kisitsit 27 procentiuvoq. Ataanili titartagaq malillugu ilinniarnertuut ingerlariaqqiffiusumik ilinniakkamik aallartitsisartut amerlassusaat ilinniarnertuunngorniarfinni tamani appariarsimapput.

 

Titartagaq 4. 2010-mi 2015-imilu ilinniarnertuut ukiut marluk ingerlanerini ingerlariaqqiffiusumik ilinniakkamik aallartitsisimasut amerlassusaat, ilinniarnertuutut naammassiffik malillugu

Nalunaarut: Ilinniarnertuunngorniarneq ukiunik pingasunik sivisussuseqartoq kisimi pineqarpoq.

Nalunaarut: Ilinniarnertuunngortut ikittuinnaat peqqutigalugit ilinniarnertooq ataaseq 1-2 procentinut naatsorsorneqarpoq. Taamaattumik piffissani ilinniarnernut ingerlaqqiffiusuni amerlassutsit ilaasa allanngorarnerat ilinniarnertuunngortut ikittuinnaanerannik tunngaveqarsinnaavoq.

Najoqqutaq: Naatsorsueqqissaartarfik- Kisitsisaataasivimmi kisitsisit takukkit (http://bank.stat.gl/UDDTRGU1).