Ilinniarnnertuunngorniarfiit
Ilinniarnertuut ingerlariaqqiffisumik
ilinniarnermut ingerlaqqittartut amerlassusaat ilinniarnertuunngorfigisimasaat
malillugit assigiinngitsorujussuupput. 2016-imi ilinniarnertuunngortut akornanni
Nuummi Ilinniarnertuunngorniarfimmi ilinniarnertuunngortut 47 pct.-ii ukiut
marluk ingerlanerini ingerlariaqqiffiusumik ilinniakkamut ingerlaqqissinmasut
Aasianni ilinniarnertuunngorniarfimmi ilinniarnertuunngorsimasut 32 pct.-ii i
ngerlaqqissimapput. Nuummi Qaqortumilu Ilinniarnertuunngorniarfinni
ilinniarnertuunngorsimasut ingerlaqqissimasullu amerlassusaat ukiuni qulini
annikitsuinnarmik nikittarsimangaluartut 2016-imi qaffariarsimapput,
Sisimiunili Aasiannilu Ilinniarnertuunngorniarfinni naammassisisimasut
ingerlaqqissimasullu appariarsimapput.
Titartagaq
4. 2003-miit 2016-imut ilinniarnertuut ukiut marluk ingerlanerini
ingerlariaqqiffiusumik ilinniarnermik aallartitsisimasut amerlassusaat,
ilinniarnertuutut naammassiffik malillugu
Nalunaarut: Ilinniarnertuunngorniarneq ukiunik pingasunik sivisussuseqartoq kisimi pineqarpoq.
Nalunaarut:
Ilinniarnertuunngortut ikittuinnaat peqqutigalugit ilinniarnertooq ataaseq 1-2
procentinut naatsorsorneqarpoq. Taamaattumik piffissani ilinniarnernut
ingerlaqqiffiusuni amerlassutsit ilaasa allanngorarnerat ilinniarnertuunngortut
ikittuinnaanerannik tunngaveqarsinnaavoq.
Najoqqutaq:
Naatsorsueqqissaartarfik- Kisitsisaataasivimmi kisitsisit takukkit (http://bank.stat.gl/UDDTRGU1).