Siunertaq
Kisitsisini paasissutissani matumani siunertaavoq meeqqat atuarfiini naammassisimasut qanoq amerlatigisut ukiut 1-10 ingerlanerini inuusuttunut ilinniarfinnut ingerlaqqittarnerisa naammassinnittarnerisalu kisinneqarnissaat.
Nalunaarsuutit
tunngaviusut
Kisitsisitigut
paasissutissat ilinniakkanik aallartitsisunut, ilinniakkanik ingerlatsisunut
ilinniakkanillu naammassinnissimasunut nalunaarsuisarfiit tunngavigalugit
kisitsisitigut paasissutissat suliarineqarput. Kisitsisillu meeqqat atuarfianni
naammassisimasut nalunaarsuisarfiat soraarummeernermi karakteerinik imaqartoq
tunngavigineqarpoq.
Periaaseq
Meeqqat
atuarfianni soraarummeertut ukioq naammassiffigisimasaannit ukiut 1-10
qaangiunnerini ilinniakkamik aallartitsisimasut, naammassinnissimasut sulilu
ingerlatsisut nalunaarsuisarfiini ataatsimut ingerlanneqarput.
Ukiut
tamaasa ukiumi pineqartumi atuartut suli ilinniakkamik ingerlatsisutut
imaluunniit ukiut kingulliit ilaanni ilinniakkamik naammassinnissimasutut
killiffilerneqartarput. Atuartut suli ilinniakkamik ingerlatsisutut imaluunniit
naammassinnissimasutut nalunaarsorneqarsimanngitsut ”unitsitsisimasutut”
killiffilerneqarput. Meeqqat atuarfiannik naammassinnereernerup kingorna
ilinniakkamik aallartitsisimanngitsut ”aallartitsisimanngitsutut”
killiffilerneqarput.
Killiffiliinermut
piffissaq
Meeqqat
atuarfiannik naammassinnereernermi ukiut qaangiuttut amerlassusaannut
atorneqarpoq, ilinniakkap killiffia 31. decembarimi naatsorsorlugu.
Ilinniakkap
qaffasissusaa
Ilinniakkat
qaffasissusaat International Standard Classification of Education 2011-meersoq
malillugu immikkoortiterneqarput. Naatsorsueqqissaartarfiup ilinniartitaanerup
iluani taaguutit pillugit saqqummersinnikuusaani ilinniakkami pineqartumi
imaluunniit ISCED-i malillugu immikkoortiterinermi ilinniakkat suut
pineqarnersut takuneqarsinnaapput. Taassuma saniatigut Naatsorsueqqissaartarfik
Kalaallit Nunaanni ilinniakkat, ilinniakkap qaffasissusaa malillugu,
immikkoortiternerat takussutissiaraa. Taaguutit takussutissiarlu www.stat.gl –imi Ilinniartitaanermut
tunngasut ataanni nassaarineqarsinnaavoq. Saqqummersitami kingullerpaami
Periaatsimut immikkoortoq takuuk.
Ilinniakkap
killiffia
Ukiup kisitsiviusup naanerani ilinniartup ilinniarnermi killiffianut atorneqarpoq. Ilinniakkap killiffiani naatsorsuutit atorneqartut tassaapput:
1. suli ingerlatsineq
2. naammassinnissimaneq
3. unitsitsisimaneq
4. aallartitsisimannginneq
Naatsorsuineq
Meeqqat atuarfianniit inuusuttunut ilinniarfinnut ingerlaqqittut kisitsisitigut paasissutissaat meeqqat atuarfiannik naammassinnereernerup kingorna ukiut 1-10 qaangiunnerini suli ingerlatsisut, naammassinnissimasut, unitsitsisimasut imaluunniit aallartitsisimanngitsut amerlassusaattut naatsorsorneqarput.
Tabelit ilinniakkap aallartissimasap qaffasissusaannut, atuarfinnut suiaassutsinullu naatsorsorneqarput.
Killiliinerit
erseqqissagassallu
Kisitsisitigut
paasissutissani meeqqat atuarfiini soraarummeernermi minnerpaamik
misilitsinnermi ataatsimi peqataasimasut tunngavigineqarput. Atuartut Kalaallit
Nunaanni meeqqat atuarfianni soraarummeernermi misilitsissimanngitsut,
assersuutigalugu specialklassini atuartut imaluunniit qallunaat efterskoliini
10.klassersimasut kisitsisini ilaanngillat. Kalaallit Nunaannit nuussimasut
Kalaallit Nunaannilu ilinniagaqarnersiuteqartitsivik avaqqullugu
ilinniagaqarsimasut “aallartitsisimanngitsunut” killiffimmi ilaapput.
“Unitsitsinermut”
killiffimmi ilinniakkamik unitsitsigallartut ilaapput.